1 Samuel 27:8 - An Bibel Kernewek 20234 (Kernewek Kemmyn)

⁸ Lemmyn Davydh ha'y wer eth yn-bann, hag i a wrug omsettyansow erbynn an Geshurysi, ha'n Girzysi, ha'n Amalekysi; rag yth o an re ma an trevesigethow dhiworth Telam war an fordh dhe Shur ha bys yn pow Ejyp.

1 Samuel 27:8 Iomraidhean Croise

2 Samuel 14:23

Ytho Yoab a sevis ha mones dhe Geshur, ha dri Absalom dhe Yerusalem.

2 Samuel 14:32

Absalom a worthybis dhe Yoab, ‘Otta, my a dhannvonas dhis ha leverel. “Deus omma, may hallav dha dhannvon dhe'n myghtern, dhe leverel, ‘Prag y teuth vy dhiworth Geshur? Gwella via ragov bos ena hwath.’ Lemmyn gas vy dhe weles fas an myghtern; ha mars eus kabel ynnov, gwres ev ow ladha!” ’

2 Samuel 15:8

Rag dha was a ambosas ambos pan esen trigys yn Geshur yn Aram, ha leverel. “Mara'm dre an Arloedh arta dhe Yerusalem, ena my a wordh an Arloedh.” ’

2 Samuel 3:22

Hag, awotta, gwesyon Davydh ha Yoab a dhehwelis dhiworth omsettyans, ha dri preydh bras gansa. Mes nyns esa Abner gans Davydh yn Hebron, rag Davydh re'n dannvonsa dhe-ves, hag ev o gyllys yn kres.

2 Samuel 3:3

ha'y nessa, Kileab, a Abigayl gwreg Nabal a Karmel; ha'n tressa, Absalom mab Maaka myrgh Talmay myghtern Geshur;

2 Samuel 8:12

dhiworth Aram, ha Moab, ha dhiworth Ammon, ha'n Filistysi, hag Amalek, ha dhiworth preydh Hadadezer mab Rehob, myghtern Soba.

1 Kroniklys 2:23

Mes Geshur hag Aram a gemmeras anedha Havvoth-yair, ha Kenath ha'y threvow, tri-ugens tre. Oll an re ma o mebyon Makir, tas Gilead.

Eksodus 15:22

Ena Moyses a hembronkas Ysrael a'n Mor Rudh hag i eth yn gwylvos Shur; i eth tri dydh y'n gwylvos ha ny gavsons dowr.

Eksodus 17:8

Ena y teuth Amalek hag omladh erbynn Ysrael yn Refidim.

Niverow 13:29

Yma an Amalekysi trigys yn tir an Negeb; hag yma an Hittysi, an Yebusysi, ha'n Amorysi trigys y'n vro venydhyek; hag yma an Kananysi trigys ryb an mor, ha war lann an Yordan.’

Niverow 14:45

Ena an Amalekysi ha'n Kananysi esa trigys y'n vro venydhyek na a dhiyskynnas, ha'ga fetha ha'ga skattra, bys yn Horma.

Yoshua 12:5

ev a rewlyas war venydh Hermon, Saleka, hag oll Bashan, bys yn or an Geshurysi ha'n Maakathysi, ha hanter Gilead, or Sihon myghtern Heshbon.

Yoshua 13:13

Mes ny fesyas an Ysraelysi an Geshurysi na'n Maakathysi; mes yma Geshur ha Maakath trigys yn kres Ysrael bys y'n jydh ma.

Yoshua 13:2

Hemm yw an tir yw gesys hwath: oll oryon an Filistysi, hag oll oryon an Geshurysi

Yoshua 16:10

Ny fessons an Kananysi trigys yn Gezer. Yma'n Kananysi trigys yn mysk an Efraymysi bys y'n jydh hedhyw, mes i re beu gorrys dhe hwel krev avel kethyon.

Breusysi 1:29

Ha ny wrug Efraym chasya dhe-ves an Kananysi trigys yn Gezer, mes an Kananysi a veu trigys yn aga mysk yn Gezer.

1 Samuel 29:6

Ena Akish a elwis Davydh ha leverel dhodho, ‘Dell vew an Arloedh, ty re beu ewnhynsek, hag y'm golok yth hevel ewn dhymm ty dhe vones yn-mes ha dones a-ji genev y'n lu; rag ny gevis drog vyth ynnos a-dhia'n jydh may teuthys dhymm bys y'n jydh hedhyw. Byttegyns nyns osta da yn dewlagas an wahalyethow.

1 Samuel 30:1

Lemmyn pan dheuth Davydh ha'y wer dhe Siklag y'n tressa dydh, an Amalekysi a wrug omsettyans war an Negeb ha war Siklag. I a waskas Siklag, ha'y leski gans tan,