1 Samuel 26:8 - An Bibel Kernewek 20234 (Kernewek Kemmyn)

⁸ Ena Abishay a leveris dhe Davydh, ‘Duw re dhelivras dha eskar a-berth y'th leuv y'n jydh hedhyw; lemmyn rakhenna gas vy dh'y weskel dhe'n dor, my a'th pys, gans unn pych a'n guw; ny'n gwaskav diwweyth.’

1 Samuel 26:8 Iomraidhean Croise

2 Samuel 16:9

Ena Abishay mab Seruya a leveris dhe'n myghtern, ‘Prag y volleth an ki marow ma ow arloedh an myghtern? Gas vy dhe vones yn-rag, my a'th pys, ha kemmeres dhe-ves y benn.’

Salmow 31:8

Ny'm gessys vy yn dorn an eskar; ty re worras ow threys yn tyller ledan.

Yeremia 40:15

Ena Yohanan mab Kareagh a gewsis dhe Gedalia yn Mispa yn-dann gel, ow leverel, ‘Gas vy dhe vos, my a'th pys, ha my a ladh Yshmael mab Nethania, ha ny wodhvydh denvyth. Prag y'th ledhydh may fydh skattrys oll an Yedhewon yw kuntellys a-dro dhis, ha remenant Yuda a verow?’

Nahum 1:9

Pandr'a dhevisyowgh erbynn an Arloedh? Ev a gowldhistru; ny sev ahwer diwweyth.

Romanyon 11:32

Rag Duw re dhegeas oll yn diwostytter rag may tiskwettho tregeredh dhe beub.

Dewteronomi 32:30

Fatell allsa unn den chasya mil, po dew fesya deg mil, mar ny's gwerthas aga Harrek, ha'n Arloedh a's daskorras.

Yoshua 21:44

Ha'n Arloedh a ros dhedha powes oll a-derdro, war-lergh oll a dosa dh'aga thasow; ha nyns esa gour dhiworth oll aga eskerens a allas sevel er aga fynn; rag an Arloedh a ros oll aga eskerens yn aga leuv.

Breusysi 1:4

Ena yth eth Yuda war-vann ha'n Arloedh a ros an Kananysi ha'n Perizzysi yn aga leuv, ha'ga gweskel yn Bezek, deg mil wour.

1 Samuel 23:14

Yth esa Davydh trigys y'n gwylvos yn skonsow, yn bro venydhyek gwylvos Zif. Ha Sowl a'n hwilas pub dydh, mes ny wrug an Arloedh y dhelivra a-berth yn y leuv.

1 Samuel 24:4

Gwer Davydh a leveris dhodho, ‘Otta an jydh may leveris an Arloedh dhis anodho, “My a dhelirv dha eskar a-berth y'th leuv, ha ty a wra dhodho kepar dell hevel da dhis.” ’ Ena Davydh eth ha treghi dhe-ves lostenn mantell Sowl yn-dann gel.

1 Samuel 24:5

Wosa henna Davydh a veu gweskys dhe'n golonn, drefenn ev dhe dreghi dhe-ves lostenn mantell Sowl.

1 Samuel 26:23

An Arloedh a attal dhe bub gour rag y ewnder ha'y lelder; rag an Arloedh a'th telivras a-berth y'm leuv hedhyw, mes ny vynnis ystynn ow leuv erbynn untys an Arloedh.

1 Samuel 26:7

Ytho Davydh hag Abishay eth dhe'n lu y'n nos; hag otta, yth esa Sowl ow krowedha yn kosk a-ji dhe'n kamp, gans y wuw gweskys y'n dor orth y benn; hag yth esa Abner ha'n lu ow krowedha a-dro dhodho.

1 Samuel 26:9

Mes yn-medh Davydh dhe Abishay, ‘Na wra y dhistrui, rag piw a yll ystynn y leuv erbynn untys an Arloedh, ha bos heb kessydhyans?’