1 Samuel 26:6 - An Bibel Kernewek 20234 (Kernewek Kemmyn)

⁶ Ena Davydh a leveris dhe Ahimelek an Hittyas, ha dhe Abishay mab Seruya, broder Yoab, ‘Piw a vynn mones yn-nans genev a-ji dhe'n kamp dhe Sowl?’ Hag Abishay a worthybis, ‘My a vynn mones genes.’

1 Samuel 26:6 Iomraidhean Croise

Jenesis 10:15

Kanan a dhineythis Sidon y gynsa-genys, ha Heth,

Jenesis 15:20

an Hittysi, an Perizzysi, an Refaim,

Jenesis 23:3

Hag Abraham a sevis yn-bann dhiworth an korf ha kewsel orth mebyon Heth ow leverel,

Jenesis 26:34

Ha pan ova dew-ugens bloedh, Esaw a dhemmedhis Yudith myrgh Beeri an Hittyas, ha Basemath myrgh Elon an Hittyas.

2 Samuel 11:21

Piw a weskis Abimelek mab Yerub-besheth? A ny wrug benyn tewlel men-melin a-wartha warnodho dhiworth an fos may ferwis yn Thebes? Prag y teuthewgh nes dhe'n fos?” ena lavar, “Dha was Uria an Hittyas yw marow ynwedh.” ’

2 Samuel 11:24

Ena an sethoryon a dennas sethow dhiworth an fos war dha wesyon; ha re a wesyon an myghtern yw marow. Ha dha was Uria an Hittyas yw marow ynwedh.’

2 Samuel 11:6

Ytho Davydh a dhannvonas ger dhe Yoab ha leverel, ‘Dannvon dhymm Uria an Hittyas.’ Ha Yoab a dhannvonas Uria dhe Davydh.

2 Samuel 12:9

Prag y tispressys ger an Arloedh, dhe wul an drog yn y wolok? Ty re weskis Uria an Hittyas gans an kledha, ha kemmeres y wreg dhe vos dha wreg, ha'y ladha gans kledha an Ammonysi.

2 Samuel 18:5

A'n myghtern a erghis dhe Yoab hag Abishay hag Ittay, ha leverel, ‘Bedhewgh jentyl a'm govis vy gans an gour yowynk Absalom.’ Hag oll an bobel a glewas pan ros an myghtern arghadowyow dhe oll an gaptenyon a-dro dhe Absalom.

2 Samuel 2:13

Yoab mab Seruya, ha gwesyon Davydh, ynwedh eth yn-mes hag i a vetyas war-barth ryb poll Gibeon. I a esedhas, an eyl bagas unn tu a'n poll ha'n bagas arall a'n tu arall dhe'n poll.

2 Samuel 2:18

Yth esa tri mab Seruya ena, Yoab, Abishay, hag Asahel. Lemmyn maga skav war y droes avel ewik y'n gwel o Asahel;

2 Samuel 23:18

Abishay broder Yoab mab Seruya o chyf an Tri. Ev a dhrehevis y wuw erbynn tri hans ha'ga ladha, ha gwaynya hanow gans an Tri.

2 Samuel 23:34

Elifelet mab Ahasbay, mab an Maakathyas, Eliam mab Ahithofel an Gilonyas,

2 Samuel 23:39

Uria an Hittyas: i oll seytek warn ugens.

1 Myghternedh 10:29

Yth esa charettow ynperthys dhiworth Ejyp a hwegh kans shekel, ha mergh a unn kans ha hanter-kans. Ynwedh i a's gwertha avel maynoryon dhe oll myghternedh an Hittysi ha dhe vyghternedh Aram.

2 Myghternedh 7:6

Rag an Arloedh re wrussa dhe lu Aram klewes son charettow, son mergh, ha son lu bras, may lavarsons an eyl dh'y gila, ‘Otta, myghtern Ysrael re wobrenas er agan pynn myghternedh an Hittysi, ha myghternedh Ejyp dhe vatalyas orthyn.’

Yoshua 3:10

Ha Yoshua a leveris, ‘Gans hemma godhvydhewgh bos an Duw bew yn agas mysk hag ev dhe fesya a-dheragowgh heb falladow an Kananysi, an Hittysi, an Hivysi, an Perizzysi, an Girgashysi, an Amorysi ha'n Yebusysi.

1 Samuel 26:7

Ytho Davydh hag Abishay eth dhe'n lu y'n nos; hag otta, yth esa Sowl ow krowedha yn kosk a-ji dhe'n kamp, gans y wuw gweskys y'n dor orth y benn; hag yth esa Abner ha'n lu ow krowedha a-dro dhodho.