1 Samuel 26:5 - An Bibel Kernewek 20234 (Kernewek Kemmyn)

⁵ Ena Davydh a sevis ha dos dhe'n tyller may kampsa Sowl; ha Davydh a welas an tyller mayth esa Sowl ow krowedha, gans Abner mab Ner, pennhembrenkyas y lu. Yth esa Sowl ow krowedha a-ji dhe'n kamp, hag yth esa an bobel ow kampya a-dro dhodho.

1 Samuel 26:5 Iomraidhean Croise

2 Samuel 3:27

Pan dhehwelis Abner dhe Hebron, Yoab a'n kemmeras a-denewen yn kres an yet dhe gewsel ganso yn kosel, hag ev a'n gweskis ena yn y dorr. Ytho ev a verwis rag goes Asahel y vroder.

1 Kroniklys 9:39

Ner a dhineythis Kish, ha Kish a dhineythis Sowl, ha Sowl a dhineythis Yonathan, Malkishua, Abinadab, hag Eshbaal.

1 Samuel 17:20

Davydh a sevis myttin a-varr, ha gasa an deves gans gwithyas, ha kemmeres an sosten, ha mos kepar dell wrussa Yesse erghi dhodho. Ev a dheuth dhe'n kamp yn kettermyn dell esa an lu ow mos yn-rag dhe'n vatel, ow karma rag an vatel.

1 Samuel 17:55

Ha pan welas Sowl bos Davydh ow mos yn-rag erbynn an Filistyas, ev a leveris dhe Abner, kaslewydh an lu, ‘Abner, piw yw an gour yowynk ma mab dhodho?’ Hag yn-medh Abner, ‘Dell vew dha enev, A vyghtern, ny wonn.’

1 Samuel 26:4

Davydh a dhannvonas yn-mes aspioryon, hag ev a wodhya bos Sowl yn tevri devedhys.

1 Samuel 9:1

Yth esa gour a Benyamin, Kish y hanow, mab Abiel mab Seror mab Bekorath mab Afia, Benyaminyas, gour galloesek.