1 Samuel 26:21 - An Bibel Kernewek 20234 (Kernewek Kemmyn)

²¹ Ena Sowl a leveris, ‘My re beghas; dehwel, ow mab Davydh, rag ny wrav drog dhis arta, drefenn bos ow bewnans drudh y'th wolok y'n jydh hedhyw. Otta, my re beu foll, ha my re erryas dres eghenn.’

1 Samuel 26:21 Iomraidhean Croise

2 Myghternedh 1:13

Arta an myghtern a dhannvonas tressa kapten a hanter-kans. An tressa kapten ma a yskynnas ha mos war dhewlin a-dherag Elias. ‘Gour Duw’, a bysis ev, ‘my a'th pys, re bo drudh ow bewnans ha bewnans an hanter-kans den ma y'th wolok.

2 Myghternedh 1:14

Otta, tan re goedhas dhiworth an nev ha gonsumya an kynsa dew gapten a hanter-kansow ha'ga hanter-kans den. Mes lemmyn re bo drudh ow bewnans y'th wolok.’

Salmow 116:15

Drudh yn golok an Arloedh yw mernans y syns.

Salmow 49:8

Re gostek via daspren y enev, ha ny allses pe henna bynitha,

Salmow 72:14

Ev a bren aga enev dhiworth arwask ha garowder, ha drudh vydh aga goes yn y wolok ev.

Eksodus 9:27

Ena Faro a dhannvonas, ha gelwel Moyses hag Aron ha leverel dhedha, ‘My re beghas an prys ma; an Arloedh yw ewn, ha my ha'm pobel yw kamm.

Niverow 22:34

Ena Balaam a leveris dhe el an Arloedh, ‘My re beghas, rag ny wodhyen ty dhe sevel y'n fordh er ow fynn. Lemmyn ytho, mars yw tebel y'th wolok, my a dhehwel arta.’

Matthew 27:4

ow leverel, ‘My re beghas a-ban draytis goes gwiryon.’ Yn-medhons i, ‘Pandr'yw henna dhyn ni? Ty dha honan preder anodho.’

1 Samuel 13:13

Samuel a leveris dhe Sowl, ‘Ty re wrug yn foll; ny withsys arghadow an Arloedh dha Dhuw, a erghis dhis. An Arloedh a wrussa fastya dha wlaskor war Ysrael bynitha,

1 Samuel 15:24

Ha Sowl a leveris dhe Samuel, ‘My re beghas; my a gammdremenas erbynn gorhemmynn an Arloedh ha'th eryow, drefenn my dhe berthi own a'n bobel hag obaya aga lev.

1 Samuel 15:30

Ena Sowl a leveris, ‘My re beghas; hwath enor dhymm lemmyn a-dherag henavogyon ow fobel hag a-dherag Ysrael, ha dehwel genev, may hallav gordhya dha Dhuw.’

1 Samuel 18:30

Ena pennhembrenkysi an Filistysi a dheuth yn-mes dhe vatalyas; ha peskweyth may hwrens i dos yn-mes, Davydh a seweni moy ages oll gwesyon Sowl, may teuth ha bos y ger-da pur vras.

1 Samuel 24:17

Yn-medh ev dhe Davydh, ‘Ty yw moy gwiryon agesov; rag ty re'm dyghtyas yn ta, mes my re'th tyghtyas yn trog.

1 Samuel 26:22

Ha Davydh a worthybis ha leverel, ‘Otta an guw, A vyghtern! Gas onan a'n wer yowynk dhe dreusi omma ha'y gemmeres.

1 Samuel 26:24

Hag, otta, kepar dell veu dha vewnans drudh y'm golok y'n jydh hedhyw, yndella re bo ow bewnans drudh yn golok an Arloedh, ha re'm deliffro yn-mes a oll anken.’

1 Samuel 27:4

Ha pan veu derivys orth Sowl Davydh dhe fia dhe Gath, ny'n hwilas na fella.