1 Samuel 26:19 - An Bibel Kernewek 20234 (Kernewek Kemmyn)

¹⁹ Lemmyn ytho, my a'th pys, klewes ow arloedh an myghtern geryow y was. Mars yw an Arloedh neb re ynnias warnas er ow fynn, re vlasso offrynn; mes mars yw mebyon den, bedhens milliges dherag an Arloedh, rag i re'm chasyas yn-mes y'n jydh hedhyw ma na gaffen ow rann yn eretons an Arloedh, ow leverel, “Ke, serv duwow erell.”

1 Samuel 26:19 Iomraidhean Croise

Jenesis 44:18

Ena Yuda dheuth nes dhodho ha leverel, ‘My a'th pys, ow arloedh, gas dha was dhe gewsel ger yn diwskovarn ow arloedh. Na wrello dha sorr leski erbynn dha was, rag kepar ha Faro osta.

Jenesis 8:21

Ha'n Arloedh a vlasas an sawer plegadow, ha'n Arloedh a leveris yn y golonn, ‘Ny wrav vy mollethi an dor namoy drefenn mab-den; rag drog yw bodh kolonn mab-den a-dhia y yowynkneth. Ny wrav namoy gweskel pub tra vew, dell wrug vy.

2 Samuel 14:16

Rag an myghtern a vynn klewes, ha delivra y vaghteth dhiworth dorn an gour neb a vynn ow distrui vy ha'm mab war-barth dhiworth eretons Duw.”

2 Samuel 16:10

Mes yn-medh an myghtern, ‘Pyth eus yntra my ha hwi, hwi vebyon Seruya? Mar kwra ev mollethi rag an Arloedh dhe leverel dhodho, “Molleth Davydh”, piw a lever ena, “Prag y hwruss'ta yndella?” ’

2 Samuel 16:11

Ena Davydh a leveris dhe Abishay, ha dhe oll y wesyon, ‘Awotta, ow mab, neb a dheuth yn-mes a'm kolodhyon vy, a hwila ow bewnans; pygemmys moy lemmyn y hyll an Benyaminyas ma y wul! Gesewgh ev dhodho y honan, ha gesewgh ev dhe vollethi; rag an Arloedh re worhemmynnis dhodho.

2 Samuel 20:19

My yw onan a'n re yw kosel ha lel yn Ysrael. Ty a hwila distrui sita yw mamm yn Ysrael. Prag y fynnydh kollenki ertach an Arloedh?’

2 Samuel 21:3

Davydh a leveris dhe'n Gibeonysi, ‘Pandr'a wrav ragowgh? Fatell wrav vy dehwelyans, may fennigowgh eretons an Arloedh?’

2 Samuel 24:1

Arta sorr an Arloedh a dhewis erbynn Ysrael, hag ev a vovyas Davydh er aga fynn ha leverel, ‘Ke ha nivera Ysrael ha Yuda.’

1 Myghternedh 22:22

“Fatell?” an Arloedh a wovynnas orto. Ev a worthybis, “Yth av yn-mes, ha my a vydh spyrys gowek yn ganow oll y brofoesi.” Ena an Arloedh a leveris, “Ty a'n dyn, ha ty a sewen; ke yn-rag ha'y wul.”

1 Kroniklys 21:1

Satnas a sevis erbynn Ysrael hag ynnia war Davydh nivera pobel Ysrael.

Salmow 120:5

Go-vy, ow bos trigys avel alyon yn Meshek, ow bos owth annedhi tyldow Kedar.

Salmow 20:4

Re wrontyo dhis hwans dha golonn, ha kowlwul oll dha gusul.

Lavarow Koth 30:10

Na sklander gwas dh'y vester, poken an gwas a'th volleth ha ty a vydh synsys kablus.

Ysay 60:5

Ena ty a wel ha splanna; dha golonn a gren gans joy hag efani, rag palster an mor a vydh dres dhis, ha rychys an kenedhlow a dheu dhis.

Levitikus 26:31

Ha my a wra agas sitys magoryow ha'gas sentris dibobel, ha ny vynnav blasa agas saweryow plegadow.

Niverow 36:7

Yndella ny vydh eretons mebyon Ysrael treusworrys a'n eyl loeth dh'y gila; rag pubonan a vebyon Ysrael a wra glena orth eretons loeth y dasow.

Niverow 36:9

Ytho ny vydh eretons vyth treusworrys a'n eyl loeth dh'y gila; rag pubonan a loethow mebyon Ysrael a wra glena orth y eretons y honan.” ’

Romanyon 14:15

Mes mara'n jevydh dha vroder offens der an pyth a dhybrydh, ny gerdhydh na fella yn kerensa. Na as dha voes dhe dhistrui nebonan may ferwis Krist a'y wovis.

Galatianys 5:12

My a vynnsa, yth omspattha aga honan an re a'gas ankomber.

Dewteronomi 13:3

na woslow orth geryow an profoes na, nag orth an hunroser na a hunrosow, rag an Arloedh agas Duw a wra agas previ, dhe wodhvos mar kerowgh an Arloedh agas Duw gans oll agas kolonn ha gans oll agas enev.

2 Timothi 4:14

Aleksander an gweythor kober a wrug meur dhrog dhymmo; an Arloedh a re dhodho war-lergh y wriansow.

1 Samuel 18:10

An nessa dydh tebel spyrys dhiworth Duw a fyskas war Sowl, hag ev a vuskegis a-ji dh'y ji, ha Davydh ow telynnya kepar dell wre orth prysyow erell. Hag yth esa guw yn dorn Sowl;

1 Samuel 24:9

Yn-medh Davydh dhe Sowl, ‘Prag y hwoslowydh orth geryow an re a lever, “Otta Davydh a hwila gul drog dhis?”

1 Samuel 25:24

Hi a goedhas orth y dreys, ha leverel, ‘Warnav vy ow honan, ow arloedh, bedhes an blam, my a'th pys, gas dha vaghteth dhe gewsel y'th tiwskovarn, ha klew geryow dha vaghteth.

1 Samuel 27:1

Davydh a brederis yn y golonn, ‘Lemmyn, my a verow unn jydh dre leuv Sowl; nyns eus travyth gwell ragov marnas diank hware dhe bow an Filistysi; ena Sowl a hedh dhe'm hwilas pella a-ji dhe oryon Ysrael, ha my a dhienk mes a'y leuv.’