1 Samuel 26:16 - An Bibel Kernewek 20234 (Kernewek Kemmyn)

¹⁶ An dra ma re wrussys, nyns yw da. Dell vew an Arloedh, hwi a dhervynn an mernans, drefenn na withsowgh war agas arloedh, untys an Arloedh. Mir lemmyn, ple'ma guw an myghtern; po an seth-dowr esa orth y benn?’

1 Samuel 26:16 Iomraidhean Croise

2 Samuel 12:5

Ena sorr Davydh a dhewis yn toemm erbynn an gour. Ev a leveris dhe Nathan, ‘Dell vew an Arloedh, an gour neb re wrug hemma a dhervynn an mernans;

2 Samuel 19:28

Rag oll chi ow thas a veu gwer ow tervynn an mernans dherag ow arloedh; hwath ty a settyas dha was yn mysk an re a dheber orth dha voes. Ytho py reyth eus dhymm kria moy dhe'n myghtern?’

1 Myghternedh 2:26

Yn-medh an myghtern dhe Abiathar an oferyas, ‘Ke dhe Anathoth, dhe'th parkow dha honan, rag ty a dhervynn an mernans. Mes ny wrav vy dha ladha yn eur ma, rag ty a dhug argh an Arloedh Duw a-rag Davydh ow thas, ha drefenn ty dhe wodhav oll an keth ankenyow may hwodhevis ow thas ynna.’

Salmow 102:20

dhe glewes kynvann an prisner, dhe dhelivra an re dampnys dhe'n mernans;

Salmow 79:11

Des kynvann an prisner a-dheragos; herwydh meuredh dha nerth, gwith an re dampnys dhe'n mernans.

Efesianys 2:3

hag yn aga mysk, ni oll ynwedh a wre omdhegi kyns yn yeunadow agan kig, ow kul hwansow an kig ha'n prederow, hag yth en ni dre natur fleghes sorr kepar ha'n re erell ynwedh.

1 Samuel 20:31

Rag hedre vewo mab Yesse war an norvys, ny vydh naneyl ty na'th wlaskor fastys. Ytho dannvon ha kyrgh ev dhymm, rag ev a verow.’

1 Samuel 24:6

Yn-medh ev dh'y wer, ‘An Arloedh difenn my dhe wul hemma dhe'm arloedh, untys an Arloedh, owth ystynn ow leuv er y bynn; rag ev yw untys an Arloedh.’

1 Samuel 26:11

An Arloedh difenn, my dhe ystynn ow leuv yn-rag erbynn untys an Arloedh; mes, my a'th pys, kemmer lemmyn an guw usi orth y benn, ha'n seth-dowr, ha deun.’

1 Samuel 26:15

Ha Davydh a leveris dhe Abner, ‘A nyns osta gour? Piw yw kepar ha ty yn Ysrael? Prag na withsys war dha arloedh an myghtern. Rag onan a'n bobel a dheuth a-ji dhe dhistrui dha arloedh an myghtern.

1 Samuel 26:9

Mes yn-medh Davydh dhe Abishay, ‘Na wra y dhistrui, rag piw a yll ystynn y leuv erbynn untys an Arloedh, ha bos heb kessydhyans?’