1 Samuel 26:15 - An Bibel Kernewek 20234 (Kernewek Kemmyn)

¹⁵ Ha Davydh a leveris dhe Abner, ‘A nyns osta gour? Piw yw kepar ha ty yn Ysrael? Prag na withsys war dha arloedh an myghtern. Rag onan a'n bobel a dheuth a-ji dhe dhistrui dha arloedh an myghtern.

1 Samuel 26:15 Iomraidhean Croise

2 Samuel 3:38

Hag yn-medh an myghtern dh'y wesyon, ‘A ny wodhowgh hwi pennsevik ha gour bras dhe goedha y'n jydh ma yn Ysrael?

Daniel 4:19

Ena Daniel, henwys Belteshassar, a veu skruthys pols, ha'y brederow a'n ownhas. An myghtern a worthybis ow leverel, ‘A Belteshassar, na vydh ownhes gans an hunros ha'y styr.’ Belteshassar a worthybis ow leverel, ‘Ow arloedh, re bo an hunros rag an re a'th kas, ha'y styr rag dha eskerens!

Matthew 26:40

Hag ev a dheuth dh'y dhyskyblon ha'ga havoes ow koska, hag yn-medh ev dhe Peder, ‘Ytho, a ny yllsowgh hwi goelya unn our genev?

1 Samuel 26:14

Davydh a elwis dhe'n bobel, ha dhe Abner mab Ner, ha leverel. ‘Abner, a ny worthybydh?’ Ena Abner a worthybis, ‘Piw osta neb a elow dhe'n myghtern?’

1 Samuel 26:16

An dra ma re wrussys, nyns yw da. Dell vew an Arloedh, hwi a dhervynn an mernans, drefenn na withsowgh war agas arloedh, untys an Arloedh. Mir lemmyn, ple'ma guw an myghtern; po an seth-dowr esa orth y benn?’