1 Samuel 26:11 - An Bibel Kernewek 20234 (Kernewek Kemmyn)

¹¹ An Arloedh difenn, my dhe ystynn ow leuv yn-rag erbynn untys an Arloedh; mes, my a'th pys, kemmer lemmyn an guw usi orth y benn, ha'n seth-dowr, ha deun.’

1 Samuel 26:11 Iomraidhean Croise

2 Samuel 1:14

Ha Davydh a leveris dhodho, ‘A ny berthsys own a ystynn dha dhorn dhe dhistrui untys an Arloedh?’

2 Samuel 1:16

Yn-medh Davydh dhodho, ‘Bedhes dha woes war dha benn dha honan; rag dha anow re dhustunias er dha bynn, ow leverel, “My re ladhas untys an Arloedh.” ’

2 Samuel 19:22

Davydh a leveris, ‘Pyth eus yntra my ha hwi, hwi mebyon Seruya, may teuvewgh ha bos hedhyw eskerens dhymm? A vydh denvyth gorrys dhe'n mernans hedhyw yn Ysrael? A ny wonn vy y'n jydh hedhyw ow bos myghtern war Ysrael?’

Salmow 17:4

A-dro dhe oberow den, herwydh geryow dha dhiwweus, my re omwithas rag hynsyow an den garow.

Romanyon 12:17

Na attelewgh drog dhe dhenvyth orth drog; prederewgh a daklow da a-rag tus oll;

Romanyon 12:19

Na omdhialewgh, hwi garadowyon, mes rewgh le dhe gonnar Duw; rag skrifys yw, ‘Dial yw dhymm, my a attal’, yn-medh an Arloedh.

1 Peder 3:9

heb attyli drog rag drog na despit rag despit, mes yn le henna bennath, rag dhe henna y fewgh hwi gelwys, may hwrellewgh erita bennath.

1 Samuel 12:3

Ottavy; degewgh dustuni er ow fynn a-dherag an Arloedh hag a-dherag y untys. Dhe biw yw an ojyon re gemmeris? Po dhe biw yw an asen re gemmeris? Po piw yw re beu frowsys genev? Piw yw re beu arweskys genev? Po piw y kemmeris falswober dhiworth y leuv dhe gudha ow dewlagas ganso? Degewgh dustuni er ow fynn ha my a'n daskorr dhywgh.’

1 Samuel 24:12

Re vreusso an Arloedh yntra my ha ty. Re dallo an Arloedh dial ragov warnas; mes ny vydh ow leuv er dha bynn.

1 Samuel 24:4

Gwer Davydh a leveris dhodho, ‘Otta an jydh may leveris an Arloedh dhis anodho, “My a dhelirv dha eskar a-berth y'th leuv, ha ty a wra dhodho kepar dell hevel da dhis.” ’ Ena Davydh eth ha treghi dhe-ves lostenn mantell Sowl yn-dann gel.

1 Samuel 24:6

Yn-medh ev dh'y wer, ‘An Arloedh difenn my dhe wul hemma dhe'm arloedh, untys an Arloedh, owth ystynn ow leuv er y bynn; rag ev yw untys an Arloedh.’