1 Samuel 26:10 - An Bibel Kernewek 20234 (Kernewek Kemmyn)

¹⁰ Hag yn-medh Davydh ynwedh, ‘Dell vew an Arloedh, an Arloedh a'n gwysk dhe'n dor; po y jydh a dheu dhe verwel; po ev a wra mos yn-nans yn batel ha merwel.

1 Samuel 26:10 Iomraidhean Croise

Jenesis 47:29

Pan veu dydhyow Ysrael ow tos nes dh'y vernans, ev a elwis y vab Yosep ha leverel dhodho, ‘Mar kevis gras y'th wolok, gorr dha leuv yn-dann ow mordhos, my a'th pys, ha diskwedh dhymm tregeredh ha lelder. Na wra ow ynkleudhyas yn Ejyp.

Job 14:14

Mar merow gour a wra ev bewa arta? Oll an dydhyow a'm servis my a worta bys pan dheffo ow thorn.

Job 14:5

Y dhydhyow yw ervirys, yma niver y visyow godhvedhys genes, ty re apoyntyas y finwethow na yll ev tremena dresta;

Job 7:1

‘A nyns eus dhe vab-den gonis kales war an norvys, hag a nyns yw aga dhydhyow kepar ha'n dydhyow a arvethesik?

Salmow 37:10

Hwath pols byghan ha ny vydh an tebelwas namoy; ty a vir orth y dyller, ha ny vydh ev ena.

Salmow 37:13

An Arloedh a hwerth orto, rag ev a wel y dhydh ow tos.

Salmow 94:23

Ev a attal dhedha aga sherewneth aga honan, ha'ga distrui yn aga droktra aga honan; devri, an Arloedh agan Duw a wra aga hisya.

Ekklesiastes 3:2

Prys dineythi ha prys merwel; prys plansa ha prys diwreydhya an pyth yw plynsys.

Luk 18:7

A ny wra Duw gwirvreus rag y dus dhewisys a gri warnodho dydh ha nos; a vydh ev lent ow kweres dhedha?

Romanyon 12:19

Na omdhialewgh, hwi garadowyon, mes rewgh le dhe gonnar Duw; rag skrifys yw, ‘Dial yw dhymm, my a attal’, yn-medh an Arloedh.

Dewteronomi 31:14

Ena an Arloedh a leveris dhe Moyses, ‘Otta, an dydhyow a nes rag dha vernans. Galw Yoshua ha sevewgh orth tylda an kuntelles, ha my a re dhodho charj.’ Ytho Moyses ha Yoshua a sevis orth tylda an kuntelles.

Dewteronomi 32:35

Dial yw dhymm, hag attal, yn termyn may hwra aga throes trebuchya; rag ogas yw dydh aga therroes, ha'ga thenkys a fisten dhedha.

Ebrowyon 10:30

Rag ni a'n aswonn neb a leveris, ‘Dhymmo vy yw an dial; my a attal.’ Hag arta, ‘An Arloedh a wra breusi y bobel.’

Ebrowyon 9:27

Ha poran dell yw ordenys dhe dus merwel unnweyth, ha wosa henna breus,

Diskwedhyans 18:8

Rakhenna, yn unn jydh y teu hy flaow, ankow, hag ahwer, ha divoetter, ha gans tan hi a vydh leskys, rag bos krev an Arloedh Duw neb a's breus.’

1 Samuel 24:12

Re vreusso an Arloedh yntra my ha ty. Re dallo an Arloedh dial ragov warnas; mes ny vydh ow leuv er dha bynn.

1 Samuel 24:15

Rakhenna re bo an Arloedh breusyas, ha breusi yntra my ha ty, ha gweles, ha pledya ow hen, ha'm delivra mes a'th leuv.’

1 Samuel 25:26

‘Ha lemmyn, ow arloedh, dell vew an Arloedh, ha dell vewydh dha honan, drefenn an Arloedh dhe'th lettya rag kabel-goes ha diella dre dha leuv dha honan, lemmyn ytho gas dha eskerens, ha'n re neb a hwila gul drog dhe'm arloedh, bos kepar ha Nabal.

1 Samuel 25:38

A-dro dhe dheg dydh a-wosa, an Arloedh a weskis Nabal, hag ev a verwis.

1 Samuel 25:39

Ha pan glewas Davydh bos Nabal marow, yn-medh ev, ‘Benniges re bo an Arloedh neb re ventenas ow hen rag an despit dhiworth leuv Nabal, hag ev re withas y was dhiworth drog; rag an Arloedh re dreylyas drogober Nabal war y benn y honan.’ Ena Davydh a dhannvonas ha kewsel gans Abigayl, dh'y hemmeres dhodho, dh'y hemmeres avel y wreg.

1 Samuel 31:4

Ena Sowl a leveris dhe dheger y arvow, ‘Tenn dha gledha ha'm gwana ganso ma na dheffo an wer antrodreghys ma ha'm gwana ha gul ges ahanav.’ Mes ny vynnas deger y arvow; drefenn ev dhe berthi own yn feur. Rakhenna Sowl a gemmeras y gledha y honan hag ev a goedhas warnodho.

1 Samuel 31:6

Ytho Sowl a verwis, ha'y dri mab, ha deger y arvow, hag oll y wer, war-barth y'n keth jydh.