1 Samuel 25:41 - An Bibel Kernewek 20234 (Kernewek Kemmyn)

⁴¹ Ha hi a sevis ha plegya dhe'n dor, gans hy fas orth an dor, ha leverel, ‘Otta, dha vaghteth yw kethes dhe wolghi treys gwesyon ow arloedh.’

1 Samuel 25:41 Iomraidhean Croise

Jenesis 18:4

Bedhes kyrghys neppyth a dhowr, ha golghewgh agas treys ha powes yn-dann an wydhenn,

Lavarow Koth 15:33

Dyskans furneth yw own an Arloedh, hag uvelder a dheu a-rag enor.

Lavarow Koth 18:12

Kyns droglamm, kolonn gour yw goethus, mes uvelder a a-rag enor.

Mark 1:7

Hag yth esa ow pregoth, ow leverel, ‘Y teu war ow lergh onan yw moy galloesek agesov vy, ha ma nag o'ma gwiw, owth omblegya, dhe dhigelmi kroen y eskisyow.

1 Timothi 5:10

gans dustuni a'y gwriansow da, mar magas fleghes, mar ros hi ostyans dhe estrenyon, mar kolghas treys an syns, mar kweresas an re yn anken, mar omros dhe bub gwrians da.

Ruth 2:10

Ha hi a goedhas war hy fas hag omblegya dhe'n dor, ha leverel dhodho, ‘Prag y kevis vy gras y'th tewlagas, ty dhe'm aswonn, ha my estren?’

Ruth 2:13

Hag yn-medh hi, ‘Gas vy dhe gavoes gras y'th tewlagas, ow arloedh, drefenn ty dhe'm konfortya, ha drefenn ty dhe gewsel orth kolonn dha vaghteth – ha my, nyns ov vy kepar hag onan a'th vaghtethyon.’

1 Samuel 25:23

Pan welas Abigayl Davydh, hi a fistenas ha diyskynna dhiworth an asen, ha koedha a-rag Davydh war hy fas hag omblegya dhe'n dor.

1 Samuel 25:40

Pan dheuth gwesyon Davydh dhe Abigayl yn Karmel, i a gewsis dhedhi ha leverel, ‘Davydh re'gan dannvonas dhis, dhe'th kemmeres dhodho avel y wreg.’