1 Samuel 24:9 - An Bibel Kernewek 20234 (Kernewek Kemmyn)

⁹ Yn-medh Davydh dhe Sowl, ‘Prag y hwoslowydh orth geryow an re a lever, “Otta Davydh a hwila gul drog dhis?”

1 Samuel 24:9 Iomraidhean Croise

Salmow 101:5

Neb a gabel y gentrevek yn priva a wrav vy dhe dhistrui. Neb yw ughel y dhewlagas ha goethus y golonn ny wrav vy y wodhevel.

Salmow 141:6

Aga breusysi a vydh tewlys dhe'n dor ryb an garrek, hag i a glew ow lavarow, rag kemmeradow yns.

Lavarow Koth 16:28

Gour treus a dewl strif a-les, ha hwedhler a wra dibarth yntra keskowetha.

Lavarow Koth 17:4

Drogoberer a woslow orth diwweus dhrog; ha gowleveryas a re skovarn dhe daves dregynnus.

Lavarow Koth 18:8

Geryow hwystrer yw haval dhe demmigow sawrek; i a yn-nans dhe'n rannow a-bervedh.

Lavarow Koth 25:23

Gwyns an gledhbarth a dhre glaw, ha taves spitus a dhre semlans serrys.

Lavarow Koth 26:28

Taves gowek a gas an re a wra aga arvedh, ha ganow fekyl a dhre terroes.

Lavarow Koth 29:12

Mar koslow rewler orth gow, y soedhogyon oll a vydh tebelwesyon.

Yeremia 37:18

Yeremia a leveris ynwedh dhe vyghtern Sedekia, ‘Pana dhrog a wrug dhis po dhe'th servysi po dhe'n bobel ma ma'm gorrsowgh yn prison?

Levitikus 19:16

Ny wre'ta mos a-dro ow leverel sklander yn mysk dha bobel, na sevel erbynn goes dha gentrevek. An Arloedh ov vy.

Jamys 3:6

Ha tan yw an taves, norvys kammhynseth. Settys yw an taves yn mysk agan eseli, ow mostya an korf dien hag ynflammya an ros a vewnans, ow kavoes y dan dhiworth ifarn.

1 Samuel 20:1

Ena Davydh a fias dhiworth Nayoth yn Rama. Ev a dheuth dherag Yonathan ha leverel, ‘Pandr'a wrug vy? Pandr'yw ow hammweyth? Ha pandr'yw ow fegh erbynn dha das mayth usi ev ow hwilas kemmeres ow bewnans?’

1 Samuel 20:41

Ha kettell veu an maw gyllys, Davydh a sevis yn-bann dhiworth tenewen an krug a veyn, ha koedha war y fas dhe'n leur. Ev a blegyas dhe'n dor teyrgweyth, hag i a ammas an eyl dh'y gila, hag i a oelas an eyl gans y gila; mes Davydh a oelas moy.

1 Samuel 24:10

Y'n jydh hedhyw dha dhewlagas re welas fatell y'th ros an Arloedh a-berth y'm leuv a-ji dhe'n kav; ha leverys veu dhymm dhe'th ladha; mes my a'th sparyas. Yn-medhav “Ny vynnav ystynn ow leuv erbynn ow arloedh; rag ev yw untys an Arloedh.”

1 Samuel 24:8

Ena Davydh a sevis ha mos yn-mes a'n kav ha gelwel war-lergh Sowl, ow leverel, ‘Ow arloedh an myghtern.’ Ha pan dreylyas Sowl war-dhelergh, Davydh a blegyas gans y fas troha'n leur, ha plegya dhe'n dor.

1 Samuel 26:18

Hag yn-medh ev ynwedh, ‘Prag yth helgh ow arloedh war-lergh y was? Pandr'a wrug vy? Py pegh usi y'm leuv?

1 Samuel 26:19

Lemmyn ytho, my a'th pys, klewes ow arloedh an myghtern geryow y was. Mars yw an Arloedh neb re ynnias warnas er ow fynn, re vlasso offrynn; mes mars yw mebyon den, bedhens milliges dherag an Arloedh, rag i re'm chasyas yn-mes y'n jydh hedhyw ma na gaffen ow rann yn eretons an Arloedh, ow leverel, “Ke, serv duwow erell.”