1 Samuel 24:16 - An Bibel Kernewek 20234 (Kernewek Kemmyn)

¹⁶ Wosa Davydh dhe worfenna kewsel an geryow ma orth Sowl, Sowl a leveris, ‘Yw hemma dha lev, ow mab Davydh?’ Ha Sowl a dhrehevis y lev hag oela.

1 Samuel 24:16 Iomraidhean Croise

Jenesis 16:5

Hag yn-medh Saray dhe Abram, ‘Re wrello an drog gwrys er ow fynn koedha warnas tejy. My a ros ow maghteth a-bervedh y'th askra ha pan welas hi y hwrug hi konsevya, dispresys veuv yn hy dewlagas. Re bo an Arloedh breusyas yntra my ha ty.’

Jenesis 2:2

Ha'n seythves dydh Duw a worfennas y ober re wrussa gul, hag ev a bowesas an seythves dydh a'n ober oll re wrussa.

Jenesis 33:4

Mes Esaw a boenyas er y bynn ha'y vyrla ha koedha war y gonna hag amma dhodho; hag i a oelas.

1 Kroniklys 12:18

Ena an Spyrys a dheuth war Amasay, penn an deg warn ugens, hag ev a leveris, ‘Ni yw dhis, A Davydh, ni yw genes, A vab Yesse! Kres, kres dhis, ha kres dhe'th weresoryon, rag dha Dhuw a'th weres.’ Ena Davydh a's degemmeras ha'ga gul pennow an bagasow.

Job 6:25

Ass yw geryow onest galloesek! Mes agas keredh – pandr'a geredh?

Salmow 119:154

Pled ow hen, ha daspren vy; bewha vy herwydh dha lavar.

Lavarow Koth 15:1

Gorthyp medhel a dreyl konnar dhe-ves, mes ger tynn a dhre sorr yn-bann.

Lavarow Koth 25:11

Ger kewsys a-dermyn yw haval dhe avalow a owr settys yn arghans.

Luk 21:15

rag my a re dhywgh ganow ha furneth ma na yll oll agas erbynnoryon sevel er agas pynn na'gas kontradia.

Oberow 6:10

mes ny allsons sevel erbynn an furneth ha'n Spyrys mayth esa ow kewsel.

Breusysi 11:27

Ny beghsyn er dha bynn, mes ty re wrug drog er ow fynn, ow kwerrya er ow fynn. An Arloedh, neb yw breusyas, a vreus hedhyw yntra mebyon Ysrael ha'n Ammonysi.’

1 Samuel 26:17

Ha Sowl a aswonnis lev Davydh, ha leverel, ‘Yw hemma dha lev, ow mab Davydh?’ Hag yn-medh Davydh, ‘Yth yw ow lev, ow arloedh, A vyghtern.’

1 Samuel 26:24

Hag, otta, kepar dell veu dha vewnans drudh y'm golok y'n jydh hedhyw, yndella re bo ow bewnans drudh yn golok an Arloedh, ha re'm deliffro yn-mes a oll anken.’