1 Samuel 24:12 - An Bibel Kernewek 20234 (Kernewek Kemmyn)

¹² Re vreusso an Arloedh yntra my ha ty. Re dallo an Arloedh dial ragov warnas; mes ny vydh ow leuv er dha bynn.

1 Samuel 24:12 Iomraidhean Croise

Jenesis 16:5

Hag yn-medh Saray dhe Abram, ‘Re wrello an drog gwrys er ow fynn koedha warnas tejy. My a ros ow maghteth a-bervedh y'th askra ha pan welas hi y hwrug hi konsevya, dispresys veuv yn hy dewlagas. Re bo an Arloedh breusyas yntra my ha ty.’

Jenesis 31:53

Re bo Duw Abraham ha Duw Nahor, Duw aga thas, breus yntredhon’; ha Yakob a dos re Own y das Ysak.

2 Samuel 22:48

an Duw neb a re dhymm dial hag a worr poblow yn-dannov,

1 Kroniklys 12:18

Ena an Spyrys a dheuth war Amasay, penn an deg warn ugens, hag ev a leveris, ‘Ni yw dhis, A Davydh, ni yw genes, A vab Yesse! Kres, kres dhis, ha kres dhe'th weresoryon, rag dha Dhuw a'th weres.’ Ena Davydh a's degemmeras ha'ga gul pennow an bagasow.

Job 5:8

‘My, y hwilsen Duw, ha dhe Dhuw my a gommendsa ow hen.

Salmow 35:1

Striv, A Arloedh, gans an re a striv genev; omladh erbynn an re a omladh er ow fynn.

Salmow 43:1

Breus vy, A Dhuw, ha pled ow hen erbynn kenedhel ansans; gwra ow delivra dhiworth an falswas ha'n sherewa.

Salmow 94:1

A Arloedh, ty Dhuw a dhial, ty Dhuw a dhial, omdhiskwa.

Romanyon 12:19

Na omdhialewgh, hwi garadowyon, mes rewgh le dhe gonnar Duw; rag skrifys yw, ‘Dial yw dhymm, my a attal’, yn-medh an Arloedh.

1 Peder 2:23

Pan veu drokhenwys, ny dhrokhenwis yn attal. Pan wodhevis, ny vraggyas, mes yth omgommyttyas dhe neb a vreus yn hwiryon.

Diskwedhyans 6:10

Hag i a armas, ughel aga lev, ow leverel, ‘Pygemmys prys, A Arloedh sans ha gwir, na vreusydh na diella agan goes war an re a drig war an norvys?’

Breusysi 11:27

Ny beghsyn er dha bynn, mes ty re wrug drog er ow fynn, ow kwerrya er ow fynn. An Arloedh, neb yw breusyas, a vreus hedhyw yntra mebyon Ysrael ha'n Ammonysi.’

1 Samuel 20:1

Ena Davydh a fias dhiworth Nayoth yn Rama. Ev a dheuth dherag Yonathan ha leverel, ‘Pandr'a wrug vy? Pandr'yw ow hammweyth? Ha pandr'yw ow fegh erbynn dha das mayth usi ev ow hwilas kemmeres ow bewnans?’

1 Samuel 24:15

Rakhenna re bo an Arloedh breusyas, ha breusi yntra my ha ty, ha gweles, ha pledya ow hen, ha'm delivra mes a'th leuv.’

1 Samuel 26:23

An Arloedh a attal dhe bub gour rag y ewnder ha'y lelder; rag an Arloedh a'th telivras a-berth y'm leuv hedhyw, mes ny vynnis ystynn ow leuv erbynn untys an Arloedh.