1 Samuel 24:11 - An Bibel Kernewek 20234 (Kernewek Kemmyn)

¹¹ Mir, ow thas, mir orth lostenn dha vantell y'm leuv; rag drefenn my dhe dreghi dhe-ves lostenn dha vantell, ha ny'th ledhis, ty a woer ha gweles yn sur nag eus na drog na trayturi y'm leuv. Ny beghis er dha bynn, kynth esos orth ow helghya dhe gemmeres ow bewnans.

1 Samuel 24:11 Iomraidhean Croise

2 Samuel 1:14

Ha Davydh a leveris dhodho, ‘A ny berthsys own a ystynn dha dhorn dhe dhistrui untys an Arloedh?’

2 Myghternedh 5:13

Mes y wesyon a dheuth dhodho ha leverel, ‘Ow thas, mara'th pyssa an profoes a wul neppyth kales, a ny wrusses y wul? Pygemmys moy pan lever ev dhis, “Omwolgh ha bydh glan”?’

Job 10:16

Mar trehavav ow fenn, ty a'm helgh kepar ha lew; hag arta gul marthusyon er ow fynn.

Salmow 119:161

Pennsevigyon re'm helghyas heb ken, mes ow holonn a gren rag dha er.

Salmow 140:11

Na vedhes fastys y'n tir an gour a gews sklander; gwres droktra helghya an gour garow dhe derroes.’

Salmow 35:7

Rag heb ken i re gudhas aga roes dhymm yn pytt; heb ken i re balas pytt rag ow enev.

Salmow 59:3

Rag otta, i a gontrewayt ow enev; an re alloesek a omguntell er ow fynn. Heb kammweyth na pegh genev, A Arloedh,

Salmow 7:5

helghyes an eskar ow enev, ha'y gemmeres; stankyes ev ow bewnans dhe'n dor, ha gul dhe'm enor growedha y'n doust. Sela.

Lavarow Koth 15:1

Gorthyp medhel a dreyl konnar dhe-ves, mes ger tynn a dhre sorr yn-bann.

Kynvannow 4:18

I a holyas war agan lergh bys ma na yllyn kerdhes yn agan stretys; yth esa agan diwedh ow tos nes, kowlwrys veu agan dydhyow, rag agan diwedh re dhothya.

Ezekiel 13:18

ha lavar, Yndellma y lever an Arloedh Duw: Go-i an benynes usi ow kwrias bondow war bub konna-bregh ha gul kudhlennow rag pennow a bub ughelder, ow helghya enevow. A helghyowgh enevow ow fobel ha gwitha agas enevow agas honan yn few?

Mika 7:2

Gallas an den duwek a'n bys, ha nyns eus onan ewnhynsek yn mysk tus; i oll a skolk yn kontrewaytyans rag skoellya goes ha peub a helgh y vroder gans roes.

Yowann 15:25

Mes hemm yw, rag may fo kollenwys an ger skrifys yn aga lagha, “I re'm kasas heb acheson.”

1 Samuel 12:3

Ottavy; degewgh dustuni er ow fynn a-dherag an Arloedh hag a-dherag y untys. Dhe biw yw an ojyon re gemmeris? Po dhe biw yw an asen re gemmeris? Po piw yw re beu frowsys genev? Piw yw re beu arweskys genev? Po piw y kemmeris falswober dhiworth y leuv dhe gudha ow dewlagas ganso? Degewgh dustuni er ow fynn ha my a'n daskorr dhywgh.’

1 Samuel 18:27

Davydh a sevis ha mos, gans y wer, ha ladha kans Filistyas; ha Davydh a dhros aga hudhgenn, hag ev a's ros yn niver leun dhe'n myghtern, may hylli dos ha bos deuv an myghtern. Ha Sowl a ros dhodho Mikal y vyrgh avel gwreg.

1 Samuel 23:14

Yth esa Davydh trigys y'n gwylvos yn skonsow, yn bro venydhyek gwylvos Zif. Ha Sowl a'n hwilas pub dydh, mes ny wrug an Arloedh y dhelivra a-berth yn y leuv.

1 Samuel 23:23

Gwelewgh ha godhvydhewgh oll an kudhvaow mayth usi owth omgudha, ha dehwelewgh arta dhymm gans derivadow sur. Ena yth av genowgh; ha mars usi ev y'n vro, my a'n hwila yn-mes yn oll an kordhow a Yuda.’

1 Samuel 25:28

My a'th pys, gav treuspass dha vaghteth; rag an Arloedh a wra yn sur rag ow arloedh chi sur, drefenn ow arloedh dhe vatalyas batelyow an Arloedh; ha ny vydh drog kevys ynnos oll dha dhydhyow.

1 Samuel 26:18

Hag yn-medh ev ynwedh, ‘Prag yth helgh ow arloedh war-lergh y was? Pandr'a wrug vy? Py pegh usi y'm leuv?

1 Samuel 26:20

Lemmyn rakhenna, na wres ow goes koedha dhe'n dor dhe-ves a lok an Arloedh; rag myghtern Ysrael re dheuth yn-mes dhe hwilas hwannenn, kepar dell helghir grugyar y'n menydhyow.’

1 Samuel 26:23

An Arloedh a attal dhe bub gour rag y ewnder ha'y lelder; rag an Arloedh a'th telivras a-berth y'm leuv hedhyw, mes ny vynnis ystynn ow leuv erbynn untys an Arloedh.