1 Samuel 24:10 - An Bibel Kernewek 20234 (Kernewek Kemmyn)

¹⁰ Y'n jydh hedhyw dha dhewlagas re welas fatell y'th ros an Arloedh a-berth y'm leuv a-ji dhe'n kav; ha leverys veu dhymm dhe'th ladha; mes my a'th sparyas. Yn-medhav “Ny vynnav ystynn ow leuv erbynn ow arloedh; rag ev yw untys an Arloedh.”

1 Samuel 24:10 Iomraidhean Croise

Salmow 105:15

‘Na dochyewgh an re untys genev, ha na bystigewgh ow frofoesi.’

Salmow 125:3

Rag ny wra gwelenn an tebelwas powes war ranndir an re wiryon, ma na worro an re wiryon aga diwleuv dhe sherewneth.

Salmow 7:3

A Arloedh ow Duw, mar kwrugavy hemma; mars eus sherewneth y'm diwleuv;

Salmow 7:4

mar attylis vy drog dhe'n den esa yn kres genev, po pylla ow eskar heb ken,

Eksodus 21:13

Mes mar ny'n kontrewaytyas, mes Duw a asas dhodho koedha yn y dhorn, ena my a orden dhis tyller may hyll ev fia dhodho.

Ezekiel 22:9

Ynnos re beu tus ow sklandra dhe skoellya goes; ynnos re beu tus ow tybri war an menydhyow; i re wrug tra vethus y'n kres ahanas.

Levitikus 19:16

Ny wre'ta mos a-dro ow leverel sklander yn mysk dha bobel, na sevel erbynn goes dha gentrevek. An Arloedh ov vy.

1 Samuel 24:4

Gwer Davydh a leveris dhodho, ‘Otta an jydh may leveris an Arloedh dhis anodho, “My a dhelirv dha eskar a-berth y'th leuv, ha ty a wra dhodho kepar dell hevel da dhis.” ’ Ena Davydh eth ha treghi dhe-ves lostenn mantell Sowl yn-dann gel.

1 Samuel 24:9

Yn-medh Davydh dhe Sowl, ‘Prag y hwoslowydh orth geryow an re a lever, “Otta Davydh a hwila gul drog dhis?”