1 Samuel 23:6 - An Bibel Kernewek 20234 (Kernewek Kemmyn)

⁶ Pan fias Abiathar mab Ahimelek dhe Davydh yn Keila, ev a dheuth yn-nans gans Efod yn y dhorn.

1 Samuel 23:6 Iomraidhean Croise

1 Myghternedh 2:26

Yn-medh an myghtern dhe Abiathar an oferyas, ‘Ke dhe Anathoth, dhe'th parkow dha honan, rag ty a dhervynn an mernans. Mes ny wrav vy dha ladha yn eur ma, rag ty a dhug argh an Arloedh Duw a-rag Davydh ow thas, ha drefenn ty dhe wodhav oll an keth ankenyow may hwodhevis ow thas ynna.’

Eksodus 28:6

Hag i a wra an efod gans pann owrek, glas ha purpur ha kogh, ha sendal plethys, ober gweythor kweth.

1 Samuel 14:18

Ena Sowl a leveris dhe Ahiya, ‘Dro omma argh Duw.’ Rag y'n termyn na yth esa argh Duw gans mebyon Ysrael.

1 Samuel 14:3

war-barth gans Ahiya mab Ahitub, broder Ikabod, mab Finehas mab Eli, oferyas an Arloedh yn Shilo, ow toen an Efod. Ha ny wodhya an bobel bos Yonathan gyllys.

1 Samuel 22:20

Mes onan a vebyon Ahimelek mab Ahitub, Abiathar y hanow, a dhienkas fia dhe holya Davydh.

1 Samuel 23:2

Davydh a wovynnas orth an Arloedh, ‘A wrav vy mos ha gweskel an Filistysi ma?’ Ha'n Arloedh a leveris dhe Davydh, ‘Ke ha gwask an Filistysi, ha saw Keila.’

1 Samuel 23:5

Yndella Davydh ha'y wer eth dhe Keila, hag omladh erbynn an Filistysi, ha ledya dhe-ves aga chatel. Ev as gweskis gans ladhva veur. Ha Davydh a sawyas trigoryon Keila.

1 Samuel 23:7

Y feu derivys dhe Sowl Davydh dhe dhos dhe Keila. Yn-medh Sowl, ‘Duw re'n delivras a-berth y'm leuv; rag ev re dhegeas y honan a-bervedh, owth entra yn sita a's teves porthow ha barrys.’

1 Samuel 23:9

Davydh a wodhya Sowl dhe vrasa drog er y bynn, hag ev a leveris dhe Abiathar an oferyas, ‘Dro omma an Efod.’

1 Samuel 30:7

Ena Davydh a leveris dhe'n oferyas Abiathar mab Ahimelek, ‘Ro dhymm an efod.’ Ytho Abiathar a ros an efod dhe Davydh.