1 Samuel 23:4 - An Bibel Kernewek 20234 (Kernewek Kemmyn)

⁴ Ena Davydh a wovynnas orth an Arloedh arta. Ha'n Arloedh a worthybis dhodho ha leverel, ‘Sav, Ke yn-nans dhe Keila; rag my a re an Filistysi a-berth y'th leuv.’

1 Samuel 23:4 Iomraidhean Croise

2 Samuel 2:1

Wosa hemma Davydh a wovynnas orth an Arloedh, ‘A wrav vy mos yn-bann a-ji dhe onan a sitys Yuda?’ Ha'n Arloedh a leveris dhodho, ‘Ke yn-bann.’ Davydh a wovynnas, ‘Ple'th av yn-bann?’ Hag yn-medh ev, ‘Dhe Hebron.’

2 Samuel 5:19

Ytho Davydh a wovynnas orth an Arloedh, ha leverel, ‘A wrav vy mones yn-bann erbynn an Filistysi? A vynn'ta aga delivra a-berth y'm leuv?’ Ha'n Arloedh a leveris dhe Davydh, ‘Ke yn-bann; rag my a vynn yn hwir delivra an Filistysi a-berth y'th leuv.’

2 Myghternedh 3:18

Ha nyns yw hemma marnas tra skav yn golok an Arloedh, rag ev a re Moab yn agas leuv.

1 Kroniklys 14:10

Davydh a wovynnas orth Duw, ‘A wrav vy mones yn-bann erbynn an Filistysi? A wredh aga re y'm leuv?’ An Arloedh a leveris dhodho, ‘Ke yn-bann, ha my a's re y'th leuv.’

Yoshua 8:7

Ena hwi a sev yn-bann dhiworth an kontrewaytyans ha kemmeres an sita; rag an Arloedh dha Dhuw a's re yn agas leuv.

Breusysi 6:39

Ena Gideon a leveris dhe Dhuw, ‘Na leskes dha sorr er ow fynn, gas vy dhe gewsel unnweyth moy; gas vy dhe brevi gans an knew unnweyth moy; bedhes sygh war an knew hepken, ha bedhes gluth war an leur.’

Breusysi 7:7

Ena an Arloedh a leveris dhe Gideon, ‘Gans an tri hans hag a lapyas, my a'th telirv, hag y rov an Midyanysi y'th leuv. Dehweles oll an re erell dh'aga thre.’

Breusysi 7:9

Y'n keth nos an Arloedh a leveris dhodho, ‘Sa'bann hag omsett erbynn an kamp; rag my re'n ros y'th leuv.

1 Samuel 10:22

Ytho i a wovynnas orth an Arloedh arta, ‘Eus gour hwath dhe dhos omma?’ Hag yn-medh an Arloedh, ‘Ottava, kudhys yn mysk an fardellow.’

1 Samuel 23:2

Davydh a wovynnas orth an Arloedh, ‘A wrav vy mos ha gweskel an Filistysi ma?’ Ha'n Arloedh a leveris dhe Davydh, ‘Ke ha gwask an Filistysi, ha saw Keila.’

1 Samuel 23:3

Mes gwer Davydh a leveris dhodho, ‘Otta, ni a berth own omma yn Yuda; pygemmys moy ytho mars ellen dhe Keila erbynn luyow an Filistysi?’

1 Samuel 23:5

Yndella Davydh ha'y wer eth dhe Keila, hag omladh erbynn an Filistysi, ha ledya dhe-ves aga chatel. Ev as gweskis gans ladhva veur. Ha Davydh a sawyas trigoryon Keila.

1 Samuel 28:6

Ha pan wovynnas Sowl orth an Arloedh, ny worthybis an Arloedh dhodho, na der hunrosow, na der Urim, na dre brofoesi.

1 Samuel 30:8

Ha Davydh a wovynnas orth an Arloedh, ha leverel, ‘A wrav vy helghya an bagas ma? A wrav vy aga hachya?’ Ev a worthybis dhodho, ‘Helgh, rag ty a wra yn sur aga hachya ha heb falladow sawya an brisnoryon.’