1 Samuel 23:2 - An Bibel Kernewek 20234 (Kernewek Kemmyn)

² Davydh a wovynnas orth an Arloedh, ‘A wrav vy mos ha gweskel an Filistysi ma?’ Ha'n Arloedh a leveris dhe Davydh, ‘Ke ha gwask an Filistysi, ha saw Keila.’

1 Samuel 23:2 Iomraidhean Croise

2 Samuel 2:1

Wosa hemma Davydh a wovynnas orth an Arloedh, ‘A wrav vy mos yn-bann a-ji dhe onan a sitys Yuda?’ Ha'n Arloedh a leveris dhodho, ‘Ke yn-bann.’ Davydh a wovynnas, ‘Ple'th av yn-bann?’ Hag yn-medh ev, ‘Dhe Hebron.’

2 Samuel 5:19

Ytho Davydh a wovynnas orth an Arloedh, ha leverel, ‘A wrav vy mones yn-bann erbynn an Filistysi? A vynn'ta aga delivra a-berth y'm leuv?’ Ha'n Arloedh a leveris dhe Davydh, ‘Ke yn-bann; rag my a vynn yn hwir delivra an Filistysi a-berth y'th leuv.’

2 Samuel 5:23

Ha pan wovynnas Davydh orth an Arloedh, ev a leveris, ‘Ny edh yn-bann; ke a-dro a-dryv dhedha, ha deus warnedha a-dal an gwydh balsam.

1 Kroniklys 14:10

Davydh a wovynnas orth Duw, ‘A wrav vy mones yn-bann erbynn an Filistysi? A wredh aga re y'm leuv?’ An Arloedh a leveris dhodho, ‘Ke yn-bann, ha my a's re y'th leuv.’

Salmow 32:8

My a'th kevarwoedh, ha dyski dhis an fordh mayth yw res dhis mos; ha gans ow lagas warnas my a'th kusul.

Yeremia 10:23

A Arloedh, my a woer nag yw fordh den yn-dann y rewl y honan: ny yll gour marwel, dell gerdh, gidya y gammow.

Niverow 27:21

Hag ev a wra sevel a-rag Eleazar an oferyas, neb a wra govynn ragdho herwydh breus Urim a-rag an Arloedh; orth y er i a wra mos yn-mes, hag orth y er i a wra dos a-ji, hag ev ha mebyon Ysrael oll ganso, an kuntelles oll.’

Yoshua 9:14

Ytho an wer a gemmeras rann a'ga boes, ha ny wovynnsons kusul orth ganow an Arloedh.

Breusysi 1:1

Wosa mernans Yoshua, mebyon Ysrael a wovynnas orth an Arloedh ow leverel, ‘Piw a yn-bann ragon erbynn an Kananysi yn kynsa, dhe omladh er aga fynn?’

1 Samuel 10:22

Ytho i a wovynnas orth an Arloedh arta, ‘Eus gour hwath dhe dhos omma?’ Hag yn-medh an Arloedh, ‘Ottava, kudhys yn mysk an fardellow.’

1 Samuel 14:37

Ytho Sowl a wovynnas kusul a-dhiworth Duw, ‘A wrav vy mos yn-nans war-lergh an Filistysi? A vynn'ta aga delivra yn dorn Ysrael?’ Mes ny'n gorthybis an jydh na.

1 Samuel 23:3

Mes gwer Davydh a leveris dhodho, ‘Otta, ni a berth own omma yn Yuda; pygemmys moy ytho mars ellen dhe Keila erbynn luyow an Filistysi?’

1 Samuel 23:4

Ena Davydh a wovynnas orth an Arloedh arta. Ha'n Arloedh a worthybis dhodho ha leverel, ‘Sav, Ke yn-nans dhe Keila; rag my a re an Filistysi a-berth y'th leuv.’

1 Samuel 23:6

Pan fias Abiathar mab Ahimelek dhe Davydh yn Keila, ev a dheuth yn-nans gans Efod yn y dhorn.

1 Samuel 30:8

Ha Davydh a wovynnas orth an Arloedh, ha leverel, ‘A wrav vy helghya an bagas ma? A wrav vy aga hachya?’ Ev a worthybis dhodho, ‘Helgh, rag ty a wra yn sur aga hachya ha heb falladow sawya an brisnoryon.’