1 Samuel 23:18 - An Bibel Kernewek 20234 (Kernewek Kemmyn)

¹⁸ Ena aga dew a wrug ambos a-dherag an Arloedh; hag yth esa Davydh trigys yn Horesh, ha Yonathan eth dh'y dre.

1 Samuel 23:18 Iomraidhean Croise

2 Samuel 21:7

Mes an myghtern a sparyas Mefibosheth mab Yonathan mab Sowl, drefenn an ti a-rag an Arloedh esa yntredha, yntra Davydh ha Yonathan mab Sowl.

2 Samuel 9:1

Davydh a wovynnas, ‘Eus hwath nebonan yw gesys a ji Sowl, may hallav diskwedhes dhodho tregeredh drefenn Yonathan?’

1 Samuel 18:1

Pan worfennsa Davydh kewsel dhe Sowl, enev Yonathan a veu kelmys orth enev Davydh, ha Yonathan a'n kara avel y enev y honan.

1 Samuel 18:3

Ena Yonathan a wrug ambos gans Davydh, drefenn ev dh'y gara avel y enev y honan.

1 Samuel 20:42

Ena yn-medh Yonathan dhe Davydh, ‘Ke yn kres, a-ban wrussyn ti an eyl gans y gila yn hanow an Arloedh, ow leverel, “An Arloedh a vydh yntra my ha ty, hag ynter ow henedh vy ha dha henedh ji, bys vykken.” ’ Ev a sevis yn-bann hag omdenna; ha Yonathan eth y'n sita.

1 Samuel 20:8

Rakhenna dyght dha was yn hegar, rag ty re dhros dha was yn kevambos sans genes. Mes mars eus kammweyth ynnov, ladh vy dha honan; rag prag y tegoedh dhis ow dri dhe'th tas?’

1 Samuel 21:1

Davydh a dheuth dhe Nob dhe Ahimelek an oferyas. Hag Ahimelek a grenas pan vetyas gans Davydh, ha leverel dhodho, ‘Prag yth osta dha honan, ha nyns eus gour vyth genes?’