1 Samuel 23:16 - An Bibel Kernewek 20234 (Kernewek Kemmyn)

¹⁶ Yonathan mab Sowl a sevis, ha mos dhe Davydh yn Horesh, hag ev a grevhas y leuv yn Duw.

1 Samuel 23:16 Iomraidhean Croise

Nehemia 2:18

Ena my a dherivas dhedha a leuv ow Duw re bia warnav rag da, ha'n geryow a gowssa an myghtern dhymm. Hag i a leveris, ‘Sevyn yn-bann ha dastrehevel!’ Ytho i a ombareusis dhe dhalleth an ober da.

Job 16:5

Mes na, my a wrussa agas kennertha gans ow ganow, ha gwayans ow diwweus a wrussa siwajya agas duwon.

Lavarow Koth 27:17

Horn a lymm horn, yndella den a lymm skians den arall.

Lavarow Koth 27:9

Melyseth ha frankynkys a wra an golonn lowen, mes an enev yw terrys dhe demmyn gans govisyon.

Ezekiel 13:22

Rag hwi re baynyas kolonn an den gwiryon dre wowyow, pan na'n paynis vy, ha nertha diwla tebelwas ma na dreyllyo dhiworth y dhrog fordh dhe sawya y vewnans;

Luk 22:32

mes my re bysis ma na fyllo dha fydh; ha wosa ty dhe dreylya arta, fasta jy dha vreder.’

Luk 22:43

Hag el dhiworth nev a omdhiskwedhas dhodho, dh'y gonfortya.

Efesianys 6:10

Wor'tiwedh, bedhewgh krev y'n Arloedh, hag y'n nerth a'y alloes.

Dewteronomi 3:28

Mes gorhemmynn dhe Yoshua ha'y grevhe ha'y nertha, drefenn ev dhe dreusi a-rag an bobel ma, hag ev a wra dhedha erita an tir a welydh jy.’

2 Timothi 2:1

Ty, ow flogh, bydh nerthek gans y'n gras usi yn Krist Yesu;

1 Samuel 23:15

Yth esa Davydh yn gwylvos Zif yn Horesh pan glewas ev Sowl dhe dhos yn-rag dhe hwilas y vewnans.

1 Samuel 30:6

Ha Davydh o grevys yn feur; rag an bobel a gewsis a'y labydha, drefenn bos oll an bobel hwerow y'n enev rag aga mebyon ha myrghes. Mes Davydh a gavas nerth y'n Arloedh y Dhuw.