1 Samuel 23:10 - An Bibel Kernewek 20234 (Kernewek Kemmyn)

¹⁰ Ena yn-medh Davydh, ‘A Arloedh, Duw Ysrael, dha was re glewas Sowl dhe hwilas dos dhe Keila, dhe dhistrui an sita a'm govis.

1 Samuel 23:10 Iomraidhean Croise

Jenesis 18:24

Martesen y fydh hanter-kans den gwiryon a-berth y'n sita. A vynn'ta dhe wir diswul an tyller heb y sparya rag an hanter-kans den gwiryon usi a-berth y'n sita?

Ester 3:6

Mes ev a skornyas settya dalghenn yn Mordekay y honan heb denvyth arall; rag i a dherivsa dhodho piw o pobel Mordekay. Ytho Haman a hwilas distrui oll an Yedhewon esa yn oll gwlaskor Ahasuerus, pobel Mordekay.

Lavarow Koth 28:15

Avel lew owth usa po ors owth omsettya yw drog rewler war bobel boghosek.

1 Samuel 22:19

Ha Nob, sita an oferysi, ev a weskis gans min an kledha, gwer ha benynes, fleghes ha fleghigyow, hag oghen, hag asenes, ha deves, gans min an kledha.

1 Samuel 23:11

A wra Sowl dos yn-nans, dell glewas dha was? A Arloedh, Duw Ysrael, my a'th pys lavar dhe'th was.’ An Arloedh a leveris, ‘Ev a wra dos yn-nans.’

1 Samuel 23:8

Ha Sowl a elwis oll an wer war-barth rag bresel, dhe vones yn-nans dhe Keila, dhe omsettya a-dro dhe Davydh ha'y wer.

1 Samuel 23:9

Davydh a wodhya Sowl dhe vrasa drog er y bynn, hag ev a leveris dhe Abiathar an oferyas, ‘Dro omma an Efod.’