1 Samuel 22:8 - An Bibel Kernewek 20234 (Kernewek Kemmyn)

⁸ Hwi oll re vrasas er ow fynn, ha nyns eus nagonan neb a dhiskwa dhymm ow mab dhe wul keffrysyans gans mab Yesse, ha nyns eus nagonan ahanowgh a berth ahwer ahanav, na diskwedhes dhymm ow mab dhe ynnia ow gwas er ow fynn, dhe'm kontrewaytya, kepar dell wra y'n jydh hedhyw.’

1 Samuel 22:8 Iomraidhean Croise

2 Myghternedh 6:11

Ytho pur droblys o kolonn myghtern Aram drefenn hemma; ev a elwis y wesyon ha leverel dhedha, ‘A ny dhiskwedhowgh dhymm piw ahanan usi ow skoedhya myghtern Ysrael?’

Job 33:16

ena ev a iger aga diwskovarn ha'ga ownekhe gans gwarnyansow,

1 Samuel 18:1

Pan worfennsa Davydh kewsel dhe Sowl, enev Yonathan a veu kelmys orth enev Davydh, ha Yonathan a'n kara avel y enev y honan.

1 Samuel 18:3

Ena Yonathan a wrug ambos gans Davydh, drefenn ev dh'y gara avel y enev y honan.

1 Samuel 20:2

Yn-medh ev dhodho, ‘Bynner re bo! Ny verwydh. Ny wra ow thas travyth na bras na byghan saw ev dh'y dhiskwedhes dhymm; ha prag y koedh dhe'm tas kudha an dra ma ahanav? Nyns yw yndella.’

1 Samuel 20:42

Ena yn-medh Yonathan dhe Davydh, ‘Ke yn kres, a-ban wrussyn ti an eyl gans y gila yn hanow an Arloedh, ow leverel, “An Arloedh a vydh yntra my ha ty, hag ynter ow henedh vy ha dha henedh ji, bys vykken.” ’ Ev a sevis yn-bann hag omdenna; ha Yonathan eth y'n sita.

1 Samuel 20:8

Rakhenna dyght dha was yn hegar, rag ty re dhros dha was yn kevambos sans genes. Mes mars eus kammweyth ynnov, ladh vy dha honan; rag prag y tegoedh dhis ow dri dhe'th tas?’

1 Samuel 22:13

Yn-medh Sowl dhodho, ‘Prag y hwruss'ta brasa er ow fynn, ty ha mab Yesse, pan resys dhodho bara, ha kledha, ha ty a wovynnas orth Duw ragdho, may saffo er ow fynn, dhe'm kontrewaytya, kepar dell wra y'n jydh hedhyw?’

1 Samuel 23:21

Hag yn-medh Sowl, ‘Bennigys re bowgh gans an Arloedh; rag hwi re dhiskwedhas truedh troha my.