1 Samuel 22:7 - An Bibel Kernewek 20234 (Kernewek Kemmyn)

⁷ Sowl a leveris dh'y wesyon esa ow sevel a-dro dhodho, ‘Goslowewgh lemmyn, hwi Benyaminysi; a vynn mab Yesse ri dhywgh hwi oll parkow ha gwinlannow, a vynn ev agas gul hwi oll kaptenyon a vilyow ha kaptenyon a gansow?

1 Samuel 22:7 Iomraidhean Croise

2 Samuel 18:1

Ena Davydh a niveras an bobel esa ganso, ha settya warnedha kaptenyon a vilyow, ha kaptenyon a gansow.

2 Samuel 20:1

Y hwarva bos gour Belial ena, ha'y hanow Sheba mab Bikri, Benyaminyas. Ev a hwythas an hirgorn ha garma, ‘Nyns eus dhyn rann vyth yn Davydh, na eretons yn mab Yesse. Pub gour dh'y dylda, A Ysrael!’

1 Myghternedh 12:16

Pan welas oll Ysrael oll na vynna an myghtern goslowes orta, an bobel a worthybis dhe'n myghtern, ‘Pana rann a'gan beus yn Davydh? Nyns eus eretons yn mab Yesse. Dh'agas tyldow, Ysrael! Mirewgh dhe'th chi dha honan, Davydh.’ Ytho Ysrael eth dhe-ves dh'aga thyldow.

1 Kroniklys 12:16

Re a vebyon Benyamin ha Yuda a dheuth dhe'n dinas dhe Davydh.

Ysay 11:1

Egin a dheu yn-mes dhiworth kyf Yesse, ha skorrenn a dyv dhiworth y wreydh.

Ysay 11:10

Y'n jydh na gwreydhenn Yesse a sev avel baner dhe'n poblow; an kenedhlow a'n hwila, ha'y bowesva a vydh gloryus.

1 Samuel 18:14

Yth esa sewena dhe Davydh yn oll y oberow; rag yth esa an Arloedh ganso.

1 Samuel 20:27

Mes y'n nessa dydh, an jydh wosa an loer nowydh, tyller Davydh o gwag. Yn-medh Sowl dh'y vab Yonathan, ‘Prag na dheuth mab Yesse dhe dhybri, naneyl de, na hedhyw?’

1 Samuel 20:30

Ena sorr Sowl a dhewis erbynn Yonathan. Ev a leveris dhodho, ‘Ty vab a venyn dreus ha gorth! A ny wonn ty dhe dhewis mab Yesse dhe'th veth dha honan, ha dhe veth noethedh dha vamm?

1 Samuel 22:13

Yn-medh Sowl dhodho, ‘Prag y hwruss'ta brasa er ow fynn, ty ha mab Yesse, pan resys dhodho bara, ha kledha, ha ty a wovynnas orth Duw ragdho, may saffo er ow fynn, dhe'm kontrewaytya, kepar dell wra y'n jydh hedhyw?’

1 Samuel 22:9

Ena Doeg an Edomyas, neb o settys dres wesyon Sowl, a worthybis, ‘My a welas mab Yesse ow tos dhe Nob, dhe Ahimelek mab Ahitub;

1 Samuel 25:10

Mes Nabal a worthybis dhe wesyon Davydh ha leverel, ‘Piw yw Davydh? Piw yw mab Yesse? Yma lies gwas y'n dydhyow ma a boen dhe-ves dhiworth aga mestrysi.