1 Samuel 22:17 - An Bibel Kernewek 20234 (Kernewek Kemmyn)

¹⁷ Ha'n myghtern a leveris dhe'n gorfwithysi esa ow sevel a-dro dhodho, ‘Treylyewgh, ha ledhewgh oferysi an Arloedh, drefenn bos aga leuv ynwedh gans Davydh; ha drefenn i dhe wodhvos ev dhe fia, ha ny'n derivsons dhymm.’ Mes ny vynna gwesyon an myghtern ystynn aga dorn dhe goedha war oferysi an Arloedh.

1 Samuel 22:17 Iomraidhean Croise

2 Samuel 15:1

Wosa hemma Absalom a gavas ragdho y honan charett ha mergh, ha hanter-kans korfwithyas dhe boenya a-ragdho.

1 Myghternedh 1:5

Adoniya mab Haggith a omdhrehevis, ow leverel, ‘My a vydh myghtern’: hag ev a bareusis ragdho charettow ha marghogyon, ha deg korfwithyas ha dew-ugens rag poenya a-ragdho.

1 Myghternedh 14:27

Ytho myghtern Rehoboam a wrug skoesow a vrons yn aga le, ha'ga ri yn leuv soedhogyon an gorfwithysi, a witha daras chi an myghtern.

1 Myghternedh 18:4

pan esa Yezebel ow ladha profoesi an Arloedh, Obadia a gemmersa kans profoes, aga hudha yn mogowyow, hanter kans yn pubonan, ha'ga sostena gans bara ha dowr.

2 Myghternedh 10:25

Kettell worfennas gul an offrynn leskys, Yehu a leveris dhe'n korfwithysi ha'n gaptenyon, ‘Kewgh a-ji ha'ga ladha; na skapyes denvyth.’ Hag i a's gweskis gans min an kledha; ha'n withysi ha'n gaptenyon a's tewlis yn-mes. Ena i eth yn sentri pervedhel tempel Baal.

Eksodus 1:17

Ha'n gwelivedhesow a borthas own a Duw, ha ny wrussons par dell gewssa dhedha myghtern Ejyp, mes gwitha an vebyon yn few;

Oberow 4:19

Mes Peder ha Yowann a worthybis ha leverel dhedha, ‘Mars yw ewn dherag Duw goslowes orthowgh hwi yn le orth Duw, hwi breusewgh;

1 Samuel 14:45

Ena an bobel a leveris dhe Sowl, ‘A verow Yonathan, neb re wrug an delivrans meur ma yn Ysrael? Bynner re bo! Dell vew an Arloedh, ny wra blewenn vyth a'y benn koedha dhe'n leur; rag ev re oberis gans Duw hedhyw.’ Yndella an bobel a sawyas Yonathan, ha ny verwis.

1 Samuel 2:31

Otta, yma dydhyow ow tos may troghav dhe-ves dha nerth ha nerth chi dha das, rag ny vydh den koth y'th chi.

1 Samuel 20:33

Mes Sowl a dewlis y wuw orto dh'y weskel; yndella Yonathan a wodhya bos ervirans y das ladha Davydh.

1 Samuel 22:13

Yn-medh Sowl dhodho, ‘Prag y hwruss'ta brasa er ow fynn, ty ha mab Yesse, pan resys dhodho bara, ha kledha, ha ty a wovynnas orth Duw ragdho, may saffo er ow fynn, dhe'm kontrewaytya, kepar dell wra y'n jydh hedhyw?’

1 Samuel 22:16

Mes an myghtern a leveris, ‘Ty a verow yn sur, Ahimelek, ty hag oll chi dha das.’

1 Samuel 25:17

Lemmyn rakhenna godhvydh ha preder pandr'a wredh; rag drog re beu ervirys erbynn agan mester hag erbynn oll y ji; rag ev yw mab Belial ha ny yll denvyth kewsel orto.’

1 Samuel 8:11

Ev a leveris, ‘Hemma a vydh fordhow an myghtern neb a reyn warnowgh: ev a gemmer agas mebyon ha'gas apoyntya rag y jarettow ha dhe vos y varghogyon, ha dhe boenya a-dherag y jarettow;