1 Samuel 22:15 - An Bibel Kernewek 20234 (Kernewek Kemmyn)

¹⁵ Yw hedhyw an kynsa gweyth my dhe wovynn orth Duw ragdho? Pell bedhes dhiworthiv! Na wres an myghtern askrifa travyth dh'y was, na dhe oll chi ow thas; rag ny wodhya dha was travyth a hemma, na byghan na bras.’

1 Samuel 22:15 Iomraidhean Croise

2 Samuel 15:11

Gans Absalom yth eth dewkans gour a Yerusalem. I re bia gelwys, hag i eth yn aga sempledh, ha ny wodhyens travyth.

2 Samuel 19:18

Yth esa kowbal ow treusi dhe dhoen mayni an myghtern dres an avon, ha gul y blesour. Pan dremenas Shimei mab Gera dres an Yordan, ev a goedhas dhe'n dor a-dherag an myghtern

2 Samuel 19:19

ha leverel dhe'n myghtern, ‘Na wres ow arloedh rekna an blam er ow fynn, na perthi kov a'n kammweyth a wrug dha was y'n jydh mayth eth ow arloedh an myghtern yn-mes a Yerusalem. Na wres an myghtern y gemmeres dh'y golonn.

2 Samuel 5:19

Ytho Davydh a wovynnas orth an Arloedh, ha leverel, ‘A wrav vy mones yn-bann erbynn an Filistysi? A vynn'ta aga delivra a-berth y'm leuv?’ Ha'n Arloedh a leveris dhe Davydh, ‘Ke yn-bann; rag my a vynn yn hwir delivra an Filistysi a-berth y'th leuv.’

2 Samuel 5:23

Ha pan wovynnas Davydh orth an Arloedh, ev a leveris, ‘Ny edh yn-bann; ke a-dro a-dryv dhedha, ha deus warnedha a-dal an gwydh balsam.

2 Korinthianys 1:12

Lemmyn, hemm yw agan bost, dustuni agan kowses, ni dhe omdhegi y'n bys yn sempledh ha gwiryonsys Duw, heb skentoleth an kig mes dre ras Duw, ha dres oll orthowgh hwi.

1 Samuel 22:16

Mes an myghtern a leveris, ‘Ty a verow yn sur, Ahimelek, ty hag oll chi dha das.’

1 Samuel 25:36

Abigayl a dheuth dhe Nabal; hag, otta, yth esa ev ow synsi kevewi yn y ji, kepar ha kevewi myghtern. Ha kolonn Nabal o lowenek a-ji dhodho, rag ev o pur vedhow; rakhenna ny dherivas hi travyth orto, byghan na bras, bys yn golow myttin.