1 Samuel 22:14 - An Bibel Kernewek 20234 (Kernewek Kemmyn)

¹⁴ Ena Ahimelek a worthybis dhe'n myghtern, ha leverel, ‘Piw eus yn mysk oll dha wesyon mar lel avel Davydh? Mab dre lagha an myghtern yw ev, ha kapten dha gorfwithysi, hag enorys yw y'th chi.

1 Samuel 22:14 Iomraidhean Croise

1 Samuel 17:25

Ha gwer Ysrael a leveris, ‘A welsowgh an gour ma neb a dheuth yn-bann? Yn sur ev re dheuth yn-bann dhe dhefia Ysrael. An myghtern a wra rych an gour neb a'n ladh, ha ri dhodho y vyrgh ha gul y deylu rydh a doll yn Ysrael.’

1 Samuel 18:13

Rakhenna Sowl a'n removas a'y lok, ha'y wul pennhembrenkyas war vil; hag yth esa ev ow mos yn-mes ha dehweles a-dherag an bobel.

1 Samuel 18:27

Davydh a sevis ha mos, gans y wer, ha ladha kans Filistyas; ha Davydh a dhros aga hudhgenn, hag ev a's ros yn niver leun dhe'n myghtern, may hylli dos ha bos deuv an myghtern. Ha Sowl a ros dhodho Mikal y vyrgh avel gwreg.

1 Samuel 20:32

Ha Yonathan a worthybis y das, ha leverel dhodho, ‘Prag y fydh ev gorrys dhe'n mernans? Pandr'a wrug ev?’

1 Samuel 21:2

Yn-medh Davydh dhe Ahimelek an oferyas, ‘An myghtern re worhemmynnis dhymm mater, ha leverel dhymm, “Na as gour vyth dhe wodhvos travyth a-dro dhe'n mater ma'th tannvonav warnodho, na'n pyth re worhemmynnis dhis.” My re settyas kuntellva rag ow gwer yowynk yn neb le.

1 Samuel 22:13

Yn-medh Sowl dhodho, ‘Prag y hwruss'ta brasa er ow fynn, ty ha mab Yesse, pan resys dhodho bara, ha kledha, ha ty a wovynnas orth Duw ragdho, may saffo er ow fynn, dhe'm kontrewaytya, kepar dell wra y'n jydh hedhyw?’

1 Samuel 24:11

Mir, ow thas, mir orth lostenn dha vantell y'm leuv; rag drefenn my dhe dreghi dhe-ves lostenn dha vantell, ha ny'th ledhis, ty a woer ha gweles yn sur nag eus na drog na trayturi y'm leuv. Ny beghis er dha bynn, kynth esos orth ow helghya dhe gemmeres ow bewnans.

1 Samuel 25:28

My a'th pys, gav treuspass dha vaghteth; rag an Arloedh a wra yn sur rag ow arloedh chi sur, drefenn ow arloedh dhe vatalyas batelyow an Arloedh; ha ny vydh drog kevys ynnos oll dha dhydhyow.

1 Samuel 26:23

An Arloedh a attal dhe bub gour rag y ewnder ha'y lelder; rag an Arloedh a'th telivras a-berth y'm leuv hedhyw, mes ny vynnis ystynn ow leuv erbynn untys an Arloedh.