1 Samuel 20:8 - An Bibel Kernewek 20234 (Kernewek Kemmyn)

⁸ Rakhenna dyght dha was yn hegar, rag ty re dhros dha was yn kevambos sans genes. Mes mars eus kammweyth ynnov, ladh vy dha honan; rag prag y tegoedh dhis ow dri dhe'th tas?’

1 Samuel 20:8 Iomraidhean Croise

Jenesis 24:49

Ha lemmyn, mars esowgh ow kul tregeredh ha lelder gans ow arloedh, leverewgh e dhymm, ha mar nyns osta, leverewgh e dhymm, may hwrylliv treylya dhe'n dyghow po dhe'n kledh.’

Jenesis 47:29

Pan veu dydhyow Ysrael ow tos nes dh'y vernans, ev a elwis y vab Yosep ha leverel dhodho, ‘Mar kevis gras y'th wolok, gorr dha leuv yn-dann ow mordhos, my a'th pys, ha diskwedh dhymm tregeredh ha lelder. Na wra ow ynkleudhyas yn Ejyp.

2 Samuel 14:32

Absalom a worthybis dhe Yoab, ‘Otta, my a dhannvonas dhis ha leverel. “Deus omma, may hallav dha dhannvon dhe'n myghtern, dhe leverel, ‘Prag y teuth vy dhiworth Geshur? Gwella via ragov bos ena hwath.’ Lemmyn gas vy dhe weles fas an myghtern; ha mars eus kabel ynnov, gwres ev ow ladha!” ’

1 Kroniklys 12:17

Davydh eth yn-mes dhe vetya gansa, hag yn-medh ev dhedha, ‘Mar teuvewgh dhymm yn spyrys kres dhe'm gweres, ow holonn a vydh onan genowgh; mes mar teuvewgh dhe'm trayta dhe'm eskerens kyn nag eus drogober y'm diwla, re'gas gwello Duw agan tasow ha'gas keredhi.’

Salmow 116:11

My a leveris yn ow fysk, ‘Tus oll yw gowleverysi.’

Lavarow Koth 3:3

Na as tregeredh ha gwirder dhe'th forsakya, kolm i a-dro dhe'th konna, skrif i war legh dha golonn.

Oberow 25:11

Rakhenna mar kammwrav ha mar kwrug vy neppyth ow tervynn an mernans, ny skonyav a verwel; mes mar nyns eus travyth y'n taklow ma'm kuhudh an re ma, denvyth ny yll ow daskorr dhedha. Orth Sesar y halwav.’

Yoshua 2:14

Yn-medh an wer dhedhi, ‘Re bo agan bewnans ni ragowgh bys y'n mernans! Mar ny dhiskudhowgh agan negys, pan re an Arloedh dhyn an tir, ny a'th tyght gans tregeredh ha lelder.’

Yoshua 22:22

‘An Galloesek, Duw, an Arloedh, Duw an duwow! An Arloedh, ev a woer; ha re wodhvo Ysrael y honan! Mar pe hemma yn rebellyans po yn dislelder erbynn an Arloedh, na'n sparyewgh ni y'n jydh ma.

Ruth 1:8

Hag yn-medh Naomi dh'y diw wohydh, ‘Kewgh, dehwelewgh pubonan dhe ji hy mamm. Re wrello an Arloedh diskwedhes tregeredh dhywgh kepar dell wrussowgh hwi dhe'n re varow ha dhymmo vy.

1 Samuel 18:1

Pan worfennsa Davydh kewsel dhe Sowl, enev Yonathan a veu kelmys orth enev Davydh, ha Yonathan a'n kara avel y enev y honan.

1 Samuel 18:3

Ena Yonathan a wrug ambos gans Davydh, drefenn ev dh'y gara avel y enev y honan.

1 Samuel 20:16

Yndella Yonathan a wrug kevambos gans chi Davydh, ow leverel, ‘Re hwilli an Arloedh eskerens Davydh.’

1 Samuel 20:9

Yn-medh Yonathan, ‘Bynner re bo! Mar kodhven bos ervirys gans ow thas drog dhe dhos warnas, ena a ny dherivsen orthis?’

1 Samuel 23:18

Ena aga dew a wrug ambos a-dherag an Arloedh; hag yth esa Davydh trigys yn Horesh, ha Yonathan eth dh'y dre.