1 Samuel 20:32 - An Bibel Kernewek 20234 (Kernewek Kemmyn)

³² Ha Yonathan a worthybis y das, ha leverel dhodho, ‘Prag y fydh ev gorrys dhe'n mernans? Pandr'a wrug ev?’

1 Samuel 20:32 Iomraidhean Croise

Jenesis 31:36

Ena serrys veu Yakob, hag ev a grodhvolas war Laban; ena Yakob a worthybis ha leverel dhe Laban, ‘Pyth yw ow threuspass, pyth yw ow feghes may hwrussys ow helghya?

Lavarow Koth 22:24

Na vydh kothman dhe dhen a sorr, ha na goweth gans gour tesek,

Ekklesiastes 7:9

Na fisten y'th spyrys dhe serri, rag sorr a bowes yn askra fellyon.

Ekklesiastes 9:3

Hemm yw drog kevys yn pup-tra gwrys yn-dann an howl – yma an keth tenkys ow kortos pubonan. Dres henna, leun a dhrog yw kolonn mebyon den hag yn aga holonn yma follneth hedre vons bew, hag a-wosa yth ons dhe'n re varow.

Yeremia 17:9

An golonn yw fel dres pup-tra, ha drog dres remedi: piw a's aswonn?

Matthew 27:23

Yn-medh ev, ‘Pana dhrog ytho a wruga?’ Mes i a armas dhe voy ow leverel, ‘Bedhes krowsys!’

Luk 23:22

An tressa gweyth ev a leveris dhedha, ‘Pana dhrog a wrug an den ma? Ny gavav ynno ken dhe'n mernans; ytho my a wra y gessydhya hag ena y dhelivra.’

Yowann 7:51

‘A wra agan lagha breusi den heb goslowes orto kyns, ha godhvos pandr'a wra?’

1 Samuel 18:11

ha Sowl a dewlis an guw, ow prederi, ‘My a genter Davydh orth an paros gensi.’ Mes Davydh a skapyas diwweyth.

1 Samuel 19:4

Ha Yonathan a gewsis da a-dro dhe Davydh dhe Sowl y das, ha leverel dhodho, ‘Na wres an myghtern pegha erbynn y was Davydh, rag ny beghas er dha bynn, ha'y weythresow ragos re beu pur dha;

1 Samuel 19:5

rag ev a worras y vewnans yn y leuv ha ladha an Filistyas, ha'n Arloedh a dhros trygh meur rag oll Ysrael. Ty a'n gwelas ha lowenhe; prag y fynnydh pegha erbynn goes gwiryon, dhe ladha Davydh heb ken?’

1 Samuel 20:1

Ena Davydh a fias dhiworth Nayoth yn Rama. Ev a dheuth dherag Yonathan ha leverel, ‘Pandr'a wrug vy? Pandr'yw ow hammweyth? Ha pandr'yw ow fegh erbynn dha das mayth usi ev ow hwilas kemmeres ow bewnans?’

1 Samuel 20:7

Mar lever ev, “Da yw” y fydh yn ta gans dha was; mes mar pydh ev pur serrys, ena bydh sur bos drog ervirys ganso.

1 Samuel 22:14

Ena Ahimelek a worthybis dhe'n myghtern, ha leverel, ‘Piw eus yn mysk oll dha wesyon mar lel avel Davydh? Mab dre lagha an myghtern yw ev, ha kapten dha gorfwithysi, hag enorys yw y'th chi.