1 Samuel 20:3 - An Bibel Kernewek 20234 (Kernewek Kemmyn)

³ Mes ynwedh Davydh a dos, ‘Dha das a woer yn ta my dhe gavoes gras y'th wolok; hag ev a breder, “Na as Yonathan dhe wodhvos hemma, po ev a vydh grevys.” Mes yn gwiryonedh, dell vew an Arloedh ha dell vewydh dha honan, yma saw kamm yntredhov ha mernans.’

1 Samuel 20:3 Iomraidhean Croise

2 Samuel 15:21

Mes Ittay a worthybis dhe'n myghtern, ha leverel, ‘Dell vew an Arloedh, ha dell vew ow arloedh an myghtern, plepynag may fo an myghtern, kyn fo yn mernans po yn bewnans, ena ynwedh y fydh dha was.’

2 Myghternedh 2:2

Elias a leveris dhe Elisha, ‘Gorta omma, my a'th pys, rag an Arloedh re'm dannvonas dhe Bethel.’ Elisha a leveris, ‘Dell vew an Arloedh, ha dell vew dha enev, ny wrav dha asa.’ Ytho i eth yn-nans dhe Bethel.

2 Myghternedh 2:4

Hag Elias a leveris dhodho, ‘Elisha, gorta omma, my a'th pys; rag an Arloedh re'm dannvonas dhe Yeriko.’ Hag ev a leveris, ‘Dell vew an Arloedh ha dell vew dha enev, ny wrav dha asa.’ Ytho i a dheuth dhe Yeriko.

2 Myghternedh 2:6

Ena Elias a leveris dhodho, ‘Gorta, my a'th pys, rag an Arloedh re'm dannvonas dhe'n Yordan.’ Mes ev a leveris, ‘Dell vew an Arloedh ha dell vew dha enev, ny wrav dha asa.’ Ytho an dhew eth yn-rag.

Salmow 116:3

Kerdyn ankow res eth a-dro dhymm; ha galarow ifarn a'm dalghennas; My a gavas anken hag ahwer.

Yeremia 38:16

Ytho Sedekia an myghtern a dos yn-dann gel dhe Yeremia, ‘Dell vew an Arloedh, a ros dhyn agan bewnans, ny'th worrav dhe'n mernans, na ny'th rov yn leuv an wer ma a hwila dha vewnans.’

Yeremia 4:2

ha mar tedh ‘Dell vew an Arloedh!’ yn gwirder, yn breus, hag yn ewnder, ena an kenedhlow a omvennik ynno, ha bostya ynno.

Dewteronomi 28:66

Dha vewnans a greg yn dout a-ragos, ha ty a gren mo ha myttin, ha ny' fydh surheans a'th vewnans.

Dewteronomi 6:13

Porth own a'n Arloedh dha Dhuw ha gwra y servya, ha ti re y hanow.

Ebrowyon 6:16

Rag tus a de der onan moyha agessa i aga honan, hag yn aga hedrynnow oll, ti res yn afydhyans yw diwedh pub dadhel.

1 Samuel 1:26

Hag yn-medh hi, ‘Ow arloedh, kepar dell vewydh, ow arloedh, yth ov vy an venyn esa sevys rybos omma, ow pysi war an Arloedh.

1 Samuel 17:55

Ha pan welas Sowl bos Davydh ow mos yn-rag erbynn an Filistyas, ev a leveris dhe Abner, kaslewydh an lu, ‘Abner, piw yw an gour yowynk ma mab dhodho?’ Hag yn-medh Abner, ‘Dell vew dha enev, A vyghtern, ny wonn.’

1 Samuel 20:2

Yn-medh ev dhodho, ‘Bynner re bo! Ny verwydh. Ny wra ow thas travyth na bras na byghan saw ev dh'y dhiskwedhes dhymm; ha prag y koedh dhe'm tas kudha an dra ma ahanav? Nyns yw yndella.’

1 Samuel 20:4

Ena yn-medh Yonathan dhe Davydh, ‘Pynag a vo dha vodh, my a'n gwra ragos.’

1 Samuel 25:26

‘Ha lemmyn, ow arloedh, dell vew an Arloedh, ha dell vewydh dha honan, drefenn an Arloedh dhe'th lettya rag kabel-goes ha diella dre dha leuv dha honan, lemmyn ytho gas dha eskerens, ha'n re neb a hwila gul drog dhe'm arloedh, bos kepar ha Nabal.

1 Samuel 27:1

Davydh a brederis yn y golonn, ‘Lemmyn, my a verow unn jydh dre leuv Sowl; nyns eus travyth gwell ragov marnas diank hware dhe bow an Filistysi; ena Sowl a hedh dhe'm hwilas pella a-ji dhe oryon Ysrael, ha my a dhienk mes a'y leuv.’