1 Samuel 20:10 - An Bibel Kernewek 20234 (Kernewek Kemmyn)

¹⁰ Ena yn-medh Davydh dhe Yonathan, ‘Piw a vynn derivas orthiv mar korthyp dha das yn harow dhis?’

1 Samuel 20:10 Iomraidhean Croise

Jenesis 42:30

‘An gour, arloedh an wlas, a gewsis genen yn harow, ha tybi agan bos aspioryon a'n tir.

Jenesis 42:7

Yosep a welas y vreder, ha'ga aswonn, mes y fara dhedha o kepar hag onan ankoth, hag ev a gewsis dhedha yn harow, ha leverel dhedha, ‘A-ble owgh hwi devedhys?’ Yn-medhons, ‘A bow Kanan, dhe brena boes.’

1 Myghternedh 12:13

An myghtern a worthybis dhe'n bobel yn harow. Ny wrug vri a'n gusul re rosa an henavogyon dhodho

Lavarow Koth 18:23

An den boghosek a hwila piteth, mes an den rych a worthyp yn harow.

1 Samuel 20:11

Ha Yonathan a worthybis, ‘Deus, deun yn-mes y'n gwel.’ Ytho i eth yn-mes aga dew y'n gwel.

1 Samuel 20:9

Yn-medh Yonathan, ‘Bynner re bo! Mar kodhven bos ervirys gans ow thas drog dhe dhos warnas, ena a ny dherivsen orthis?’

1 Samuel 25:10

Mes Nabal a worthybis dhe wesyon Davydh ha leverel, ‘Piw yw Davydh? Piw yw mab Yesse? Yma lies gwas y'n dydhyow ma a boen dhe-ves dhiworth aga mestrysi.

1 Samuel 25:14

Mes onan a'n wer yowynk a dherivas dhe Abigayl, gwreg Nabal, ‘Otta, Davydh a dhannvonas kannasow mes a'n gwylvos dhe salusi agan mester; hag ev a's despityas.

1 Samuel 25:17

Lemmyn rakhenna godhvydh ha preder pandr'a wredh; rag drog re beu ervirys erbynn agan mester hag erbynn oll y ji; rag ev yw mab Belial ha ny yll denvyth kewsel orto.’