1 Samuel 20:1 - An Bibel Kernewek 20234 (Kernewek Kemmyn)

¹ Ena Davydh a fias dhiworth Nayoth yn Rama. Ev a dheuth dherag Yonathan ha leverel, ‘Pandr'a wrug vy? Pandr'yw ow hammweyth? Ha pandr'yw ow fegh erbynn dha das mayth usi ev ow hwilas kemmeres ow bewnans?’

1 Samuel 20:1 Iomraidhean Croise

Salmow 54:3

Rag estrenyon re sevis er ow fynn, ha tus fell a hwila ow enev, na worrsons Duw a-dheragdha. Sela.

2 Korinthianys 1:12

Lemmyn, hemm yw agan bost, dustuni agan kowses, ni dhe omdhegi y'n bys yn sempledh ha gwiryonsys Duw, heb skentoleth an kig mes dre ras Duw, ha dres oll orthowgh hwi.

2 Peder 2:9

ena an Arloedh a woer delivra tus dhuwek yn-mes a brevyans, mes gwitha tus kammhynsek yn-dann gessydhyans bys dydh breus,

1 Yowann 3:21

Hwi garadowyon, mar ny'gan kuhudh agan kolonn, ytho ni agan beus fydhyans a-rag Duw.

1 Samuel 12:3

Ottavy; degewgh dustuni er ow fynn a-dherag an Arloedh hag a-dherag y untys. Dhe biw yw an ojyon re gemmeris? Po dhe biw yw an asen re gemmeris? Po piw yw re beu frowsys genev? Piw yw re beu arweskys genev? Po piw y kemmeris falswober dhiworth y leuv dhe gudha ow dewlagas ganso? Degewgh dustuni er ow fynn ha my a'n daskorr dhywgh.’

1 Samuel 19:1

Sowl a gewsis orth y vab Yonathan ha gans oll y wesyon a-dro dhe ladha Davydh. Mes Yonathan mab Sowl a gemmeras delit meur yn Davydh.

1 Samuel 19:18

Lemmyn Davydh a fias ha diank; ev a dheuth dhe Samuel yn Rama, ha derivas dhodho oll re wrussa Sowl dhodho. Ev ha Samuel eth ha triga yn Nayoth.

1 Samuel 20:2

Yn-medh ev dhodho, ‘Bynner re bo! Ny verwydh. Ny wra ow thas travyth na bras na byghan saw ev dh'y dhiskwedhes dhymm; ha prag y koedh dhe'm tas kudha an dra ma ahanav? Nyns yw yndella.’

1 Samuel 20:32

Ha Yonathan a worthybis y das, ha leverel dhodho, ‘Prag y fydh ev gorrys dhe'n mernans? Pandr'a wrug ev?’

1 Samuel 24:11

Mir, ow thas, mir orth lostenn dha vantell y'm leuv; rag drefenn my dhe dreghi dhe-ves lostenn dha vantell, ha ny'th ledhis, ty a woer ha gweles yn sur nag eus na drog na trayturi y'm leuv. Ny beghis er dha bynn, kynth esos orth ow helghya dhe gemmeres ow bewnans.

1 Samuel 24:12

Re vreusso an Arloedh yntra my ha ty. Re dallo an Arloedh dial ragov warnas; mes ny vydh ow leuv er dha bynn.

1 Samuel 24:17

Yn-medh ev dhe Davydh, ‘Ty yw moy gwiryon agesov; rag ty re'm dyghtyas yn ta, mes my re'th tyghtyas yn trog.

1 Samuel 24:9

Yn-medh Davydh dhe Sowl, ‘Prag y hwoslowydh orth geryow an re a lever, “Otta Davydh a hwila gul drog dhis?”

1 Samuel 26:18

Hag yn-medh ev ynwedh, ‘Prag yth helgh ow arloedh war-lergh y was? Pandr'a wrug vy? Py pegh usi y'm leuv?