1 Samuel 2:4 - An Bibel Kernewek 20234 (Kernewek Kemmyn)

⁴ Gwaregow gwer alloesek yw terrys, ha'n re a drebuch yw grogysys gans nerth.

1 Samuel 2:4 Iomraidhean Croise

Salmow 18:39

Rag ty re worras grogys a nerth a-dro dhymm rag an gas; ty re worras yn-dannov an re a sevis er ow fynn.

Salmow 37:15

Aga kledha a dheu yn aga holonn i, ha'ga gwaregow a vydh terrys.

Salmow 37:17

Rag breghow an debeles a vydh terrys, mes an Arloedh a venten an re wiryon.

Salmow 46:10

Bedhewgh kosel, ha godhvydhewgh my dhe vos Duw; my a vydh ughelhes yn mysk an kenedhlow, my a vydh ughelhes y'n nor.

Salmow 46:9

Ev a wra dhe vreselyow hedhi bys yn pennow an nor; ev a derr an warak, ha treghi an guw, ha leski an charettow y'n tan.

Salmow 76:3

Ena y torras ev sethow an warak, an skoes ha'n kledha hag arvow bresel. Sela.

Ysay 10:4

ma na blattyowgh yn mysk an brisnoryon, na koedha yn mysk an re ledhys? Yn despit dhe oll hemma ny dreylyas y sorr, ha'y leuv yw hwath ystynnys.

Ysay 40:29

Ev a re nerth dhe'n re wann, ha dhe neb na'n jeves galloes ev a voghha nerth.

Yeremia 37:10

Hwath mar fethsowgh lu kowal an Kaldeanys a omladh er agas pynn, ha ny wortas marnas gwer wanyes, pubonan yn y dylda, i a sev ha leski an sita ma gans tan.

Yeremia 51:56

rag distruer re dheuth er hy fynn, erbynn Babylon; hy breselyoryon yw kemmerys, aga gwaregow yw terrys; rag an Arloedh yw Duw a attal, ev a attal yn leun.

2 Korinthianys 12:9

Mes ev a leveris dhymm: ‘Ow gras yw lowr ragos; rag yn gwannder yth yw ow nerth gwrys perfydh.’ Ytho, fest yn lowen y hwrav vy bostya y'm gwannder, may trikko warnav nerth Krist.

Efesianys 6:14

Sevewgh, ytho, ha'gas diwglun grogysys gans gwirder, hag ow kwiska an lurik a ewnder,

Filippianys 4:13

My a yll gul pup-tra dredho ev neb a re dhymm nerth.

Ebrowyon 11:32

Ha pandr'a lavarav moy? Rag termyn a fallsa dhymm dhe dherivas a-dro dhe Gideon, Barak, Samson, Yeftha, a-dro dhe Davydh ha Samuel ha'n brofoesi,

Ebrowyon 11:34

difeudhi nerth tanyow, skeusi rag min an kledha, gwaynya krevder yn-mes a wannder, dos ha bos galloesek yn kas, gorra luyow estren dhe'n fo.