1 Samuel 2:35 - An Bibel Kernewek 20234 (Kernewek Kemmyn)

³⁵ Ha my a dhrehav ragov ow honan oferyas lel, neb a wra war-lergh an pyth usi y'm kolonn ha'm brys. My a dhrehav ragdho chi sur, hag ev a gerdh a-dherag ow untys bys vykken.

1 Samuel 2:35 Iomraidhean Croise

2 Samuel 7:11

hag a-dhia'n jydh may settis breusysi war ow fobel Ysrael; ha my a re dhis powes dhiworth oll dha eskerens. Ynwedh an Arloedh a dhiskler dhis an Arloedh dhe vynnes gul chi ragov.

2 Samuel 7:27

‘Rag ty, A Arloedh an luyow, Duw Ysrael, re dhiskwedhsys hemma dhe'th was, ow leverel, “My a dhrehav chi ragos”; rakhenna dha was re gavas kolonnekter dhe bysi dhis an pysadow ma.

1 Myghternedh 1:45

Ha Sadok an oferyas ha Nathan an profoes re'n untyas avel myghtern yn Gihon; hag i res eth yn-bann alena ow lowenhe, may ma an sita yn tervans. Hemm yw an tros a glewsowgh.

1 Myghternedh 1:8

Mes Sadok an oferyas, ha Benaya mab Yehoyada, ha Nathan an profoes, ha Shimei, ha Rei, ha kasoryon Davydh, nyns esens gans Adoniya.

1 Myghternedh 11:38

Mar koslowydh orth pup-tra a worhemmynnav dhis, kerdhes yn ow fordhow, ha gul an pyth yw ewn yn ow golok ow kwitha ow ordenansow hag ow gorhemmynnow, dell wrug ow gwas Davydh, my a vydh genes, ha ty a dhrehav chi sur, par dell dhrehevis rag Davydh, ha my a re Ysrael dhis.

1 Myghternedh 2:35

An myghtern a worras Benaya mab Yehoyada yn y le dres an lu, ha'n myghtern a worras Sadok an oferyas yn le Abiathar.

1 Kroniklys 29:22

I a dhybris hag eva a-rag an Arloedh y'n jydh na gans lowena vras. Ena i a wrug Solomon mab Davydh myghtern rag an nessa treveth hag i a'n untyas avel rewler rag an Arloedh ha Sadok avel oferyas.

Salmow 18:50

Ev a re selwyans meur dh'y vyghtern, hag a wra tregeredh dh'y Untys, dhe Davydh ha dh'y has bys vykken.

Salmow 2:2

Myghternedh an norvys a sev, ha'n rewloryon a omgusul war-barth, erbynn an Arloedh hag erbynn y Untys:

Eksodus 1:21

Ha dell hwarva, drefenn an gwelivedhesow dhe berthi own a Dhuw, ev a wrug dhedha teyluyow,

Ezekiel 34:23

My a dhrehav warnedha unn bugel, ow gwas Davydh, hag ev a's mag; ev a's mag, ha bos dhedha bugel.

Niverow 25:13

hag y fydh dhodho, ha dh'y dhiyskynnysi war y lergh, kevambos a oferyaseth bys vykken, drefenn y vos avius rag y Dhuw, ha gul daspren rag mebyon Ysrael.” ’

Ebrowyon 2:17

Ytho, y tegoedhva dhodho bos haval dh'y vreder yn pub tremmynn, mayth ella ha bos arghoferyas tregeredhus ha lel yn gonis Duw, dhe wul dehwelyans rag peghosow an bobel.

1 Samuel 10:10

Hag i ow mos di dhe Gibea, otta, bagas a brofoesi a'n dyerbynnas; ha Spyrys Duw a'n dalghennas, hag ev a brofoesas yn aga mysk.

1 Samuel 10:9

Ytho, pan dreylyas ev y geyn dhe asa Samuel, Duw a ros dhodho kolonn arall, hag oll an toknys ma a hwarva y'n jydh na.

1 Samuel 12:3

Ottavy; degewgh dustuni er ow fynn a-dherag an Arloedh hag a-dherag y untys. Dhe biw yw an ojyon re gemmeris? Po dhe biw yw an asen re gemmeris? Po piw yw re beu frowsys genev? Piw yw re beu arweskys genev? Po piw y kemmeris falswober dhiworth y leuv dhe gudha ow dewlagas ganso? Degewgh dustuni er ow fynn ha my a'n daskorr dhywgh.’

1 Samuel 16:13

Ena Samuel a gemmeras korn an oyl, ha'y untya yn mysk y vreder; ha spyrys an Arloedh a dheuth war Davydh, a-dhiworth an jydh na alena rag. Ena Samuel a sevis ha mones dhe Rama.

1 Samuel 2:36

Ena peub yw gesys y'th chi a dheu ha plegya dhe'n dor a-ragdho rag tamm a arghans ha torth-vara, ha leverel, Gorr vy, my a'th pys, yn neb soedh oferyasek, rag may hallav dybri tamm a vara.” ’

1 Samuel 25:28

My a'th pys, gav treuspass dha vaghteth; rag an Arloedh a wra yn sur rag ow arloedh chi sur, drefenn ow arloedh dhe vatalyas batelyow an Arloedh; ha ny vydh drog kevys ynnos oll dha dhydhyow.

1 Samuel 3:1

Lemmyn yth esa an maw Samuel ow servya an Arloedh yn-dann Eli. Ger an Arloedh o tanow y'n dydhyow na; ha nyns esa lies gwelesigeth.

1 Samuel 7:9

Ha Samuel a gemmeras oen-dena ha'y offrynna rag offrynn kowlleskys dhe'n Arloedh; ha Samuel a armas dhe'n Arloedh rag Ysrael, ha'n Arloedh a worthybis dhodho.

1 Samuel 8:3

Mes ny gerdhi y vebyon yn y fordhow, mes i a dreylya a-denewen rag gwayn disonest, ha kemmeres falswobrow ha kamma gwirvreus.

1 Samuel 9:12

I a worthybis ha leverel, ‘Usi; ottava a-dheragowgh. Fistenewgh; ev re dheuth nammnygen dhe'n sita, rag yma sakrifis hedhyw rag an bobel y'n tyller ughel.

1 Samuel 9:13

Kettell dhewgh a-bervedh y'n sita, hwi a'n kyv, kyns ev dhe vones yn-bann dhe'n tyller ughel dhe dhybri. Rag ny vynn an bobel dybri erna dheffo, drefenn ev dhe venniga an sakrifis; ha wosa henna an re neb yw gelwys a dheber. Ha lemmyn kewgh yn-bann, rag a-dro dhe'n termyn ma hwi a'n kyv.’