1 Samuel 2:28 - An Bibel Kernewek 20234 (Kernewek Kemmyn)

²⁸ My a'n dewisas mes a oll loethow Ysrael dhe vos ow oferyas, dhe vones yn-bann dhe'm alter, dhe leski ynkys, dhe wiska efod a-dheragov; ha my a ros dhe ji dha das oll an offrynnow gwrys gans tan gans tus Ysrael.

1 Samuel 2:28 Iomraidhean Croise

2 Samuel 12:7

Ena yn-medh Nathan dhe Davydh, ‘Ty yw an gour. Yndellma y lever an Arloedh, Duw Ysrael: My a'th untyas myghtern war Ysrael, ha my a'th telivras yn-mes a leuv Sowl.

2 Samuel 6:14

Ha Davydh a dhonsyas dherag an Arloedh gans oll y nerth; ha Davydh o grogysys gans efod a lien.

Eksodus 28:1

Ena doro y'th ogas Aron dha vroder, ha'y vebyon ganso, yn-mes a vebyon Ysrael, dhe'm servya avel oferysi – Aron ha mebyon Aron, Nadab hag Abihu, Eleazar hag Ithamar.

Eksodus 28:4

An re ma yw an gwiskasow a wrons: lurik, efod, pows, mantell a vrithweyth, tulyfant ha grogys; i a wra gwiskasow sans rag Aron dha vroder ha'y vebyon dhe'm servya avel oferysi.

Eksodus 30:7

Hag Aron a lesk ynkys hweg warnedhi; pub myttin pan bareus an lugern ev a'n lesk.

Eksodus 30:8

Ha pan bareus Aron an lugern gorthugherweyth, ev a'n lesk, an ynkys pub-dydhyek a-rag an Arloedh der agas henedhow.

Levitikus 2:10

Ha remenant an offrynn a vydh dhe Aron ha'y vebyon: tra an moyha sans a'n offrynnow gwrys dre dan dhe'n Arloedh.

Levitikus 2:3

Ha remenant an offrynn a vydh dhe Aron ha'y vebyon, tra an moyha sans a'n offrynnow dre dan dhe'n Arloedh.

Levitikus 6:16

Hag Aron ha'y vebyon a dheber an remenant avel bara heb goell yn tyller sans. Yn klos tylda an kuntelles y hwrons y dhybri.

Levitikus 7:32

Hwi a re an vordhos dhyghow dhe'n oferyas avel offrynn drehevys dhiworth sakrifisow agas offrynnow kres.

Levitikus 7:36

An Arloedh a erghis hemma dhe vos res dhedha gans mebyon Ysrael y'n jydh may hwrug aga untya, avel ordenans bys vykken dres aga henedhow.

Niverow 16:5

hag ev a leveris dhe Koragh ha'y gowetha oll, ‘Y'n myttin an Arloedh a wra diskwedhes piw yw dhodho, ha piw yw sans, hag a wra dhodho dos nes dhodho; ev neb a dhewis ev a'n gwra dhe dhos nes dhodho.

Niverow 18:19

Oll an offrynnow drehevys a'n taklow sans a brof mebyon Ysrael dhe'n Arloedh my a re dhis, ha dhe'th vebyon ha dhe'th vyrghes genes, avel ordenans bys vykken; yth yw kevambos a hoelan bys vykken a-rag an Arloedh ragos ha rag dha agh genes.

1 Samuel 14:3

war-barth gans Ahiya mab Ahitub, broder Ikabod, mab Finehas mab Eli, oferyas an Arloedh yn Shilo, ow toen an Efod. Ha ny wodhya an bobel bos Yonathan gyllys.

1 Samuel 2:18

Mes yth esa Samuel ow servya a-dherag an Arloedh, maw dell o, grogysys gans efod a lien.