1 Samuel 2:25 - An Bibel Kernewek 20234 (Kernewek Kemmyn)

²⁵ Mar pegh unn gour erbynn gour arall, Duw a vreus yntredha; mes mar pegh gour erbynn an Arloedh, piw a vydh an pledyas ragdho?’ Mes ny woslowsons orth lev aga thas; drefenn bos bodh an Arloedh aga ladha.

1 Samuel 2:25 Iomraidhean Croise

Jenesis 38:10

Mes drog yn golok an Arloedh o an pyth a wrug, hag ev a'n ladhas ynwedh.

Jenesis 38:7

Hag Er, kynsa-genys Yuda, a veu drog yn golok an Arloedh, ha'n Arloedh a'n ladhas.

1 Myghternedh 8:31

‘Mar pegh nebonan erbynn y gentrevek ha mars yw erghys dhe wul ti, hag ev a dheu ha ti a-rag dha alter y'th chi ma,

1 Myghternedh 8:32

ena, klew yn nev, ha gweythres, ha breus dha wesyon, ow tampnya an den kablus dre dhri y fara war y benn y honan ha previ ewn an den gwiryon orth y wobra herwydh y ewnder.

2 Kroniklys 10:15

Yndella ny woslowas an myghtern orth an bobel, drefenn bos hemma destnys gans Duw, dhe gewera an ger kewsys gans an Arloedh der Ahiya an Shilonyas dhe Yeroboam mab Nebat.

2 Kroniklys 25:16

Mes hag ev ow kewsel an myghtern a leveris dhodho, ‘A'th wrussyn kusulyador ryel? Hedh! Prag y tegoedh ty dhe vos ledhys?’ An profoes a hedhis, mes y leveris, ‘My a woer Duw dhe ervira dha dhistrui, drefenn ty dhe wul hemma ha drefenn na woslewsys orth ow husul.’

Job 9:33

Unnweyth a pe breusyas yntredhon, neb a alla settya y leuv warnan agan dew!

Salmow 51:16

Nyns osta hwansek dhe sakrifis, poken my a'n rosa dhis; ny gemmerydh plesour yn offrynnow leskys.

Salmow 51:4

Er dha bynn jy, ty dha honan, y peghis vy ha gul an drogober ma y'th wolok, rag may fes justifiys y'th lavar, ha divlam y'th vreus.

Lavarow Koth 13:1

Mab fur a woslow orth dyskybleth y das, mes ny woslow skornyer orth keredh.

Lavarow Koth 15:10

Yma dyskybleth tynn rag neb a forsak an hyns; neb a gas keredh a verow.

Lavarow Koth 29:1

Gour neb yw keredhys fest yn fenowgh, hag a bes kales y gilbenn, a vydh brewys distowgh, ha ny vydh eli.

Ekklesiastes 3:3

Prys ladha ha prys sawya; prys terri dhe'n leur ha prys drehevel.

Niverow 15:30

Mes an den neb a wra neppyth, ughel y dhorn, kyn fo genesik po alyon, a villik an Arloedh; ha'n den na a vydh treghys dhe-ves dhiworth y bobel.

Dewteronomi 1:17

Na blegyewgh dhe fas neb den yn breus, mes klewewgh kekeffrys byghan ha bras. Na berthewgh own a vejeth denvyth, drefenn an vreus dhe vos dhe Dhuw. An ken hag yw re gales dhywgh, drewgh e dhymm ha my a'n klew.’

Dewteronomi 2:30

Mes ny vynnas Sihon myghtern Heshbon agan gasa dhe dreusi, drefenn an Arloedh dha Dhuw dhe avleythi y spyrys ha kaleshe y golonn, rag ma'n rolla y'th leuv, avel an jydh ma.

1 Timothi 2:5

Rag yma unn Duw hag unn mayn yntra Duw ha mab-den, an den Krist Yesu,

Ebrowyon 10:26

Rag mar peghyn a'gan bodh wosa degemmeres aswonnvos leun a'n gwiryonedh, nyns eus gesys namoy sakrifis rag peghosow,

Ebrowyon 10:27

mes neb gwaytyans ownek a vreus, ha konnar an tan a wra lenki an eskerens.

Ebrowyon 7:25

Yndellma, ev a yll selwel, rag oll termyn, an re a nes dhe Dhuw dredho, rag ev a vew prest dhe bysi ragdha.

Yoshua 11:20

Y feu an Arloedh y honan grevhas aga holonnow, may tothyens erbynn Ysrael yn kas, rag aga sakra dhe dhistruyans, ha ma na's teffa mersi, mes rag ma's distrua, dell worhemmynnis an Arloedh dhe Moyses.

1 Samuel 3:14

Rakhenna my a dos ti dhe ji Eli, na vydh kammweyth chi Eli dasprenys gans sakrifis na offrynn bys vykken.’