1 Samuel 2:21 - An Bibel Kernewek 20234 (Kernewek Kemmyn)

²¹ Ha'n Arloedh a visityas Hanna; hi a omdhuk ha dineythi tri mab ha diw vyrgh. Ha'n maw Samuel a devis yn lok an Arloedh.

1 Samuel 2:21 Iomraidhean Croise

Jenesis 21:1

Ha'n Arloedh eth dhe weles Sara dell wrussa leverel, ha'n Arloedh a wrug dhe Sara kepar dell lavarsa.

Salmow 127:3

Otta, ertach an Arloedh yw mebyon, frut an brys yw y wober ev.

Lavarow Koth 3:4

Yndella ty a gyv gras ha sewenyans da yn golok Duw ha densys.

Luk 1:68

‘Benniges re bo an Arloedh, Duw Ysrael; rag ev re dheuth dhe weles y bobel ha'ga dasprena,

Luk 1:80

Ha'n flogh a devi, hag omgrevhe yn spyrys; hag yth esa y'n difeythtiryow bys yn dydh y omdhiskwedhyans dhe Ysrael.

Luk 2:40

Ha'n flogh a devi brassa ha kreffa, lenwys a furneth, hag yth esa gras Duw warnodho.

Luk 2:52

Ha Yesu a devi yn furneth ha blydhynyow, hag yn gras gans Duw ha tus.

Breusysi 13:24

An venyn a dhineythis mab, ha'y henwel Samson. An maw a devi, ha'n Arloedh a'n bennigas.

1 Samuel 2:26

Ha'n maw Samuel a besyas tevi yn ughelder hag yn favour gans an Arloedh hag ynwedh gans tus.

1 Samuel 3:19

Ha Samuel a devi yn-bann, hag yth esa an Arloedh ganso, ha ny asas nagonan a'y eryow vyth koedha dhe'n leur.