1 Samuel 2:2 - An Bibel Kernewek 20234 (Kernewek Kemmyn)

² ‘Nyns eus Sans kepar ha'n Arloedh, nyns eus nagonan marnas ty; nyns eus karrek kepar ha'gan Duw.

1 Samuel 2:2 Iomraidhean Croise

2 Samuel 22:3

Duw ow harrek may hwilav skovva ynno, ow skoes, ha korn ow selwyans, ow dinas ha'm skovva, ow selwador; ty a'm saw dhiworth freudh.

2 Samuel 22:32

Rag piw yw Duw marnas an Arloedh? Ha piw yw karrek marnas agan Duw ni.

2 Samuel 7:22

Rakhenna meur osta, A Arloedh Duw; rag nyns eus nagonan avelos, ha nyns eus Duw marnas ty, war-lergh pup-tra a glewsyn gans agan diwskovarn.

1 Myghternedh 8:23

Ev a leveris. ‘A Arloedh, Duw Ysrael, nyns eus Duw avellos yn nev a-vann na war an nor a-woeles, ow kwitha an kevambos ha tregeredh rag dha wesyon a gerdh a-ragos gans oll aga holonn.

Salmow 111:9

Ev re dhannvonas daspren dh'y bobel; ev re worhemmynnis y gevambos bynitha; sans hag ownys yw y hanow.

Salmow 18:2

an Arloedh yw ow harrek, ha'm kastell, ha'm delivrer; ow Duw, ow harrek krev may hwilav skovva ynno, ow skoes, ha korn ow selwyans, ow dinas.

Salmow 18:31

Rag piw yw Duw marnas an Arloedh? Ha piw yw karrek saw agan Duw ni? –

Salmow 71:19

Ha'th ewnder, A Dhuw, a dhrehedh dhe'n ughelder, ty neb re wrug gwriansow meur; A Dhuw, piw yw avelos jy?

Salmow 71:3

Bydh dhymm karrek grev may tyffiv dhedhi pup-prys; ty re worhemmynnis ow selwel, rag ty yw ow harrek ha'm kastell.

Salmow 73:25

Piw a'm beus y'n nevow marnas ty? Ha nyns eus travyth war an nor a yeunniv marnas ty.

Salmow 86:8

Yn mysk an duwow nyns eus nagonan kepar ha ty, A Arloedh, ha nyns eus gwriansow kepar ha'th wriansow jy.

Salmow 89:6

Rag piw y'n nevow a yll bos kehaval dhe'n Arloedh? Piw yn mysk mebyon an duwow a yll bos haval dhe'n Arloedh?

Salmow 89:8

A Arloedh, Duw an luyow, piw yw galloesek avelos jy, A Arloedh? Yma dha lelder a-dro dhis.

Salmow 99:3

Gormelens i dha hanow meur hag euthyk; rag sans yw.

Salmow 99:5

Ughelhewgh an Arloedh agan Duw, hag omblegyewgh a-dherag y skavell-droes, rag sans yw ev.

Salmow 99:9

Ughelhewgh an Arloedh agan Duw, ha gordhyewgh ev war y venydh sans; rag sans yw an Arloedh agan Duw.

Eksodus 15:11

‘Piw yw haval dhis, A Arloedh, yn mysk an duwow? Piw yw haval dhis, meur yn sansoleth, euthyk yn gwriansow splann, ow kul marthusyon?

Ysay 40:18

Piw dhodho yth hevelebowgh Duw, po py hevelep a vynnowgh y wul dhodho?

Ysay 44:6

Yndellma y lever an Arloedh, Myghtern Ysrael, ha'y Dhasprenyas, Arloedh an luyow: My yw an kynsa ha my yw an diwettha, hag a-der my nyns eus duw.

Ysay 44:8

Na berthewgh own, bedhewgh diagha! A ny dharleveris dhis seuladhydh ha'y veneges? Hwi yw ow dustuniow. Eus Duw a-der my? Nyns eus karrek, ny aswonnav kammenn.

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Ysay 6:3

An eyl a elwi dh'y gila, ow leverel, ‘Sans, sans, sans, Arloedh an luyow, oll an norvys yw leun a'y glori.’

Yeremia 10:6

Rag nyns eus nagonan avelos A Arloedh, ty yw meur, ha'th hanow yw meur y alloes.

Levitikus 11:44

Rag my yw an Arloedh agas Duw. Ytho omsanshewgh, ha bedhewgh sans, rag sans ov vy. Ny wrewgh hwi omdhefola gans kreatur vytholl a hes, ow kreupya war an dor.

Levitikus 11:45

Rag my yw an Arloedh a'gas dros yn-mes a bow Ejyp, dhe vos agas Duw; ytho bedhewgh sans, rag sans ov vy.

Levitikus 19:2

Kows orth kuntelles kowal mebyon Ysrael, ha leverel dhedha, Bedhewgh sans, rag sans ov vy, an Arloedh agas Duw.

Romanyon 15:4

Rag pypynag a veu skrifys kyns a veu skrifys rag agan dyski, rag may hwrellen der agan perthyans ha dre gonfort an skryptors, kavoes govenek.

Romanyon 4:8

gwynnvys an gour ma na reken an Arloedh y begh er y bynn.’

Dewteronomi 3:24

‘Arloedh Duw, ty re dhallathas diskwedhes dhe'th was dha veuredh ha dha dhorn grev; rag py duw eus yn nev hag yn nor neb a yll gul kepar ha'th wriansow ha'th oberow galloesek?

Dewteronomi 32:20

Ev a leveris, My a gudh ow fas dhiworta, ha my a wel pandr'a vydh aga diwedh; rag yth yns i henedh gorth, mebyon heb lelder ynna.

Dewteronomi 32:39

Gwelewgh lemmyn, my, my yw ev, ha nyns eus duw marnas vy. My a ladh, ha my a vewha; my a vrew ha my a yaghha, ha nyns eus nagonan a yll delivra dhiworth ow leuv.

Dewteronomi 32:4

An Garrek – perfydh yw y ober, rag oll y fordhow yw ewn; Duw a lenduri, heb kammhynseth, gwiryon ha kompes yw ev.

Dewteronomi 4:35

Y feu diskwedhys dhis, rag may aswonnes an Arloedh dhe vos Duw; nyns eus arall saw unnsel ev.

Dewteronomi 4:39

Ytho godhvydh hedhyw, ha dro arta y'th kolonn, an Arloedh dhe vos Duw yn nev war-vann hag y'n nor a-woeles: nyns eus nahen.

1 Peder 1:16

rag skrifys yw, ‘Sans vydhowgh hwi, rag my yw sans.’