1 Samuel 2:14 - An Bibel Kernewek 20234 (Kernewek Kemmyn)

¹⁴ hag ev a'n pokya y'n pott, po y'n kowdarn, po y'n pott, ha pup-tra a wre an kigver y dhri yn-bann an oferyas a gemmeri ragdho y honan. Yndella i a wre yn Shilo dhe oll tus Ysrael hag a dho di.

1 Samuel 2:14 Iomraidhean Croise

Ysay 56:11

Keun krev aga ewl yns i, nevra ny gevons lowr. I yw bugeledh na wodhons konvedhes; i oll re dreylyas dh'aga fordh aga honan, pubonan dh'y brow y honan, onan hag oll.

Levitikus 7:34

Rag my re gemmeras bronn an offrynn gwevys ha mordhos an offrynn drehevys dhiworth mebyon Ysrael, dhiworth sakrifisow aga offrynnow kres ha'ga ri dhe Aron an oferyas ha'y vebyon der ordenans bys vykken dhiworth mebyon Ysrael.

Mika 3:3

neb a dheber kig ow fobel, ha pilya aga kroghen dhiworta, ha terri aga eskern yn temmigow ha'ga nadha avel kig yn chek, avel kig yn kalter.

Malaki 1:10

Piw yn agas mysk a wra degea darasow an tempel, ma na enowowgh ow alter yn euver? Nyns ov vy pes da ahanowgh hwi, yn-medh Arloedh an luyow. Ny dhegemmerav offrynn a'gas diwleuv.

1 Samuel 2:13

Us an oferysi gans an bobel o, pan offrynna neb gour sakrifis, gwas an oferyas a dho yn kettermyn dell esa an kig ow pryjyon, gans kigver a dri dans yn y dhorn,

1 Samuel 2:15

Ynwedh, kyns i dhe leski an blonek, gwas an oferyas a dho ha leverel dhe'n gour esa ow sakrifia, ‘Ro dhymm kig rag an oferyas dh'y rostya; rag ny vynn ev kavoes kig bryjys a-dhiworthis, mes kriv.’

1 Samuel 2:29

Prag y potyowgh orth ow sakrifis hag orth ow offrynn re worhemmynnis vy dhywgh rag ow thrigva, hag enora dha vebyon moy agesov, ow tewhe agas honan war an gwella rannow a bub offrynn a'm pobel Ysrael?”