1 Samuel 2:10 - An Bibel Kernewek 20234 (Kernewek Kemmyn)

¹⁰ Eskerens an Arloedh a vydh brewys; ev a darenn er aga fynn a-dhiworth nev. An Arloedh a vreus pennow an nor; ev a re galloes dh'y vyghtern, hag ughelhe korn y untys.’

1 Samuel 2:10 Iomraidhean Croise

2 Samuel 22:14

An Arloedh a darennas y'n nevow, ha'n Ughella a ros y lev.

2 Samuel 7:13

Ev a dhrehav chi rag ow hanow vy, ha my a fast tron y vyghterneth bys vykken.

2 Samuel 7:8

Lemmyn lavar yndella dhe'm gwas Davydh: Yndellma y lever Arloedh an luyow: my a'th kemmeras dhiworth an beurva, dhiworth holya an deves, dhe vos rewler war ow fobel, war Ysrael;

Job 40:9

Eus bregh dhis kepar ha bregh Duw, a yll dha lev tarenna kepar ha'y lev ev?

Salmow 132:17

Ena y hwrav dhe gorn Davydh egina; my re dhyghtyas lugarn dhe'm Untys.

Salmow 148:14

Ev re dhrehevis korn rag y bobel, gormel rag oll y syns, rag mebyon Ysrael, pobel eus ogas dhodho. Gormelewgh an Arloedh.

Salmow 2:2

Myghternedh an norvys a sev, ha'n rewloryon a omgusul war-barth, erbynn an Arloedh hag erbynn y Untys:

Salmow 2:6

‘My re worras ow myghtern war Sion, ow menydh sans.’

Salmow 2:9

Ty a's terr gans gwelenn horn; ty a's brew dhe demmyn avel lester gweythor pri.’

Salmow 20:6

Lemmyn my a woer an Arloedh dhe selwel y Untys; ev a worthyp dhodho dhiworth nevow y sansoleth y'n nerth a selwyans y leuv dhyghow.

Salmow 20:7

Re a drest yn charettow ha re yn mergh; mes ni a berth kov a hanow an Arloedh agan Duw.

Salmow 21:1

An myghtern a lowenha y'th nerth, A Arloedh; hag y'th selwyans, assa vydh ev heudhik!

Salmow 28:8

An Arloedh yw nerth y bobel, hag ev yw skovva selwyans y Untys.

Salmow 45:7

Ty a garas ewnder ha kasa sherewneth. Rakhenna Duw, dha Dhuw jy, re'th untyas gans oyl lowender a-ugh dha gowetha.

Salmow 89:17

Rag ty yw glori aga nerth, hag y'th vodh da y trehevydh agan korn.

Salmow 89:24

Mes ow lelder ha'm tregeredh a vydh ganso; hag y'm hanow vy y fydh y gorn ughelhes.

Salmow 89:25

Ha my a sett y leuv y'n mor ha'y leuv dhyghow y'n avonyow.

Salmow 96:13

a-dherag an Arloedh; rag ev a dheu, ev a dheu dhe vreusi an norvys. Ev a vreus an norvys gans ewnder, ha'n poblow gans y lelder.

Salmow 98:9

a-dherag an Arloedh, rag ev a dheu dhe vreusi an norvys. Ev a vreus an norvys gans gwiryonedh, ha'n poblow gans ewnder.

Eksodus 15:6

‘Dha leuv dhyghow, A Arloedh, yw gormelys yn nerth, dha leuv dhyghow, A Arloedh, a vrew an eskar.

Ekklesiastes 11:9

Bydh lowen, A wour yowynk, y'th flogholeth, ha gas dha golonn dhe'th wul lowen yn dydhyow dha yowynkneth, ha gwra kerdhes yn fordhow dha golonn, hag yn golok dha dhewlagas, ha godhvydh, y hwra Duw dha dhri yn breus drefenn oll an taklow ma.

Ekklesiastes 12:14

Rag Duw a dhre pub gwrians dhe vreus, hwath pup-tra yw kelys, po da po drog.

Ysay 29:6

Arloedh an luyow a dheu dhis gans taran ha dorgrys ha gans tros meur, gans tewedh hag annawel, ha flamm a dan ow kowlleski.

Ysay 32:1

Otta, myghtern a reyn yn ewnder ha pennsevigyon a wovern gans gwirvreus.

Ysay 45:24

A-dro dhymmo vy y leverir, nag eus ewnder na nerth saw unnsel y'n Arloedh. Bys dhodho y teu gans meth peub a'n jevo sorr orto.

Ezekiel 29:21

Y'n jydh na y hwrav dhe gorn skylla rag Ysrael, ha my a re dhis ganow igor yn aga mysk. Ena i a woer my dhe vos an Arloedh.

Matthew 25:34

Ena y hwra an Myghtern leverel dhe'n re a'y barth dhyghow, “Dewgh, hwi vennigys gans ow Thas, eritewgh an wlaskor yw pareusys dhywgh dhiworth gwrians an bys.

Matthew 28:18

Ha Yesu a dheuth, ha kewsel dhedha, ow leverel, ‘Pub galloes yn nev ha war an nor re beu res dhymm.

Luk 1:69

ha drehevel korn a selwyans ragon yn chi Davydh y was;

Luk 19:27

Mes ow eskerens na, neb na vynnsons my dhe vos myghtern warnedha: gwrewgh aga dri omma ha'ga ladha a-dheragov.” ’

Oberow 10:38

fatell untyas Duw Yesu a Nazareth gans an Spyrys Sans ha nerth; neb eth a-dhedro ow kul dader hag ow yaghhe peub o arweskys gans an jowl, drefenn bos Duw ganso.

Oberow 4:27

Rag yn hwir y'n sita ma Herod ha Pontius Pilat gans Jentilys ha poblow Ysrael a omguntellas erbynn dha was sans Yesu, neb a wrussys y untya,

2 Korinthianys 5:10

Rag y telledh ni oll dhe omdhiskwedhes a-rag barr Krist, may tegemmerro kettep penn an pyth a goedh dhodho herwydh an traow gwrys, hag ev y'n korf, po da po drog.

Breusysi 5:31

‘Yndella re varwo oll dha eskerens, A Arloedh! Mes re bo oll dha gowetha avel an howl dell sev yn-bann yn y nerth.’ Ha'n tir a'n jevo kres dew-ugens blydhen.

1 Samuel 12:13

Ytho, otta an myghtern neb re dhewissowgh, ha neb re vynnsowgh; hag awotta, an Arloedh re settyas myghtern warnan.

1 Samuel 12:17

A nyns yw trevas an gwaneth hedhyw? My a elow dhe'n Arloedh, hag ev a dhannvon taran ha glaw; ha hwi a gonvedh ha gweles bos agas sherewynsi bras, re wrussowgh yn golok an Arloedh, dhe wovynn myghtern ragowgh.’

1 Samuel 12:18

Ytho Samuel a elwis dhe'n Arloedh, ha'n Arloedh a dhannvonas taran ha glaw an jydh na; hag oll an bobel a borthas own bras a'n Arloedh hag a Samuel.

1 Samuel 12:3

Ottavy; degewgh dustuni er ow fynn a-dherag an Arloedh hag a-dherag y untys. Dhe biw yw an ojyon re gemmeris? Po dhe biw yw an asen re gemmeris? Po piw yw re beu frowsys genev? Piw yw re beu arweskys genev? Po piw y kemmeris falswober dhiworth y leuv dhe gudha ow dewlagas ganso? Degewgh dustuni er ow fynn ha my a'n daskorr dhywgh.’

1 Samuel 15:28

Ha Samuel a leveris dhodho, ‘An Arloedh re skwardyas gwlaskor Ysrael dhiworthis y'n jydh hedhyw, ha'y ri dhe gentrevek ahanas, neb yw gwell agesos.

1 Samuel 16:1

Ha'n Arloedh a leveris dhe Samuel, ‘Pygemmys prys y fydhydh ow kyni rag Sowl? My re'n skonyas a vones myghtern war Ysrael. Lanw dha gorn gans oyl, ha ke, my a'th tannvon dhe Yesse an Bethlehemyas, rag my re brovias ragov ow honan myghtern yn mysk y vebyon.’

1 Samuel 7:10

Pan esa Samuel owth offrynna yn-bann an offrynn leskys, an Filistysi a dheuth nes dhe vatalyas orth Ysrael; mes an Arloedh a darennas gans lev bras an jydh na war an Filistysi ha'ga thewlel yn deray; ha domhwelys ens a-dherag Ysrael.