1 Samuel 19:4 - An Bibel Kernewek 20234 (Kernewek Kemmyn)

⁴ Ha Yonathan a gewsis da a-dro dhe Davydh dhe Sowl y das, ha leverel dhodho, ‘Na wres an myghtern pegha erbynn y was Davydh, rag ny beghas er dha bynn, ha'y weythresow ragos re beu pur dha;

1 Samuel 19:4 Iomraidhean Croise

Jenesis 42:22

Ha Rewben a worthybis dhedha ha leverel, ‘A ny wrug vy kewsel orthowgh ow leverel, “Na beghewgh erbynn an maw?” mes ny wrussowgh goslowes. Ytho lemmyn y woes yw rekwirys dhiworthyn.’

Jenesis 9:6

Piwpynag a skoellyo goes den, gans den y fydh y woes ev skoellyes. Rag yn imaj Duw ev a wrug mab-den.

2 Kroniklys 6:22

‘Mar pegh gour erbynn y gentrevek, ha konstrynys yw dhe wul ti, hag ev a dheu hag a de a-rag dha alter y'n chi ma,

Salmow 35:12

I a attylis dhymm drog rag da, ha hemma o kollva dhe'm enev.

Salmow 59:4

poenya a wrons i hag ombareusi heb kammweyth genev; difun dhe'm gweres, ha mir.

Lavarow Koth 17:13

Mar attal nebonan drog rag da, nyns a drog nevra dhiworth y ji.

Yeremia 18:20

A vydh drogedh attylys rag da? Rag i re balasas pytt rag ow enev. Porth kov my dhe sevel a-ragos dhe gewsel da ragdha, dhe dreylya dha sorr a-dhiworta.

1 Korinthianys 8:12

Yndellma, ow pegha erbynn an vreder hag ow shyndya aga howses pan yw gwann, ty a begh erbynn Krist.

1 Yowann 3:15

Neb a gas y vroder, moldrer yw: hag y hwodhowgh na'n jeves moldrer vyth bewnans heb diwedh ow triga ynno.

1 Samuel 2:25

Mar pegh unn gour erbynn gour arall, Duw a vreus yntredha; mes mar pegh gour erbynn an Arloedh, piw a vydh an pledyas ragdho?’ Mes ny woslowsons orth lev aga thas; drefenn bos bodh an Arloedh aga ladha.

1 Samuel 20:32

Ha Yonathan a worthybis y das, ha leverel dhodho, ‘Prag y fydh ev gorrys dhe'n mernans? Pandr'a wrug ev?’

1 Samuel 22:14

Ena Ahimelek a worthybis dhe'n myghtern, ha leverel, ‘Piw eus yn mysk oll dha wesyon mar lel avel Davydh? Mab dre lagha an myghtern yw ev, ha kapten dha gorfwithysi, hag enorys yw y'th chi.