1 Samuel 19:17 - An Bibel Kernewek 20234 (Kernewek Kemmyn)

¹⁷ Yn-medh Sowl dhe Mikal, ‘Prag y hwruss'ta ow thoella yndellma, ha gasa ow eskar dhe vones, may tienkas?’ Ha Mikal a worthybis Sowl, ‘Ev a leveris dhymm, “Gas vy dhe vones, poken my a'th ladh.” ’

1 Samuel 19:17 Iomraidhean Croise

2 Samuel 17:20

Pan dheuth gwesyon Absalom dhe ji an venyn, i a leveris, ‘Ple'ma Ahimaas ha Yonathan?’ Ha'n venyn a worthybis dhedha, ‘I re dremenas dres gover an dowr.’ Ha pan hwilsons ha ny allsons aga havoes, i a dhehwelis dhe Yerusalem.

2 Samuel 2:22

Hag Abner a armas arta dhe Asahel, ‘Treyl a-denewen dhiworthiv. Prag y koedh dhymm dha weskel dhe'n leur? Fatell allsen ytho diskwedhes ow fas dhe Yoab dha vroder?’

1 Myghternedh 21:20

Ahab a leveris dhe Elias, ‘A'm kevsys, ow eskar?’ Ev a worthybis, ‘My re'th kavas. Drefenn ty dhe wertha dha honan dhe wul an pyth yw drog yn golok an Arloedh,

Matthew 2:16

Ena Herod ow kweles ges dhe vos gwrys anodho gans an dus fur o meur serrys hag a dhannvonas ha ladha oll an fleghes esa yn Bethlehem hag yn oll an pow a-dro, a dhew vloedh ha le ages henna, herwydh an termyn a dhys'sa gans an dus fur.

Galatianys 4:16

Ytho a dheuth vy ha bos agas eskar rag my dhe leverel an gwirder dhywgh?

1 Samuel 19:14

Pan dhannvonas Sowl kannasow dhe gemmeres Davydh, yn-medh hi, ‘Ev yw klav.’

1 Samuel 19:16

Ha pan dheuth an kannasow a-ji, yth esa an idol y'n gweli, gans kolghes a vlew gever orth y benn.

1 Samuel 22:17

Ha'n myghtern a leveris dhe'n gorfwithysi esa ow sevel a-dro dhodho, ‘Treylyewgh, ha ledhewgh oferysi an Arloedh, drefenn bos aga leuv ynwedh gans Davydh; ha drefenn i dhe wodhvos ev dhe fia, ha ny'n derivsons dhymm.’ Mes ny vynna gwesyon an myghtern ystynn aga dorn dhe goedha war oferysi an Arloedh.

1 Samuel 28:12

Pan welas an venyn Samuel, hi a armas gans lev ughel; ha'n venyn a leveris dhe Sowl, ‘Prag y'm toellsys? Rag ty yw Sowl!’