1 Samuel 18:21 - An Bibel Kernewek 20234 (Kernewek Kemmyn)

²¹ Ha Sowl a dybis, ‘My a vynn hy ri dhodho rag may hyll hi dos ha bos antell ragdho, ha may hyll bos leuv an Filistysi warnodho.’ Rakhenna Sowl a leveris dhe Davydh unnweyth arta, ‘Ty a vydh ow deuv an jydh ma.’

1 Samuel 18:21 Iomraidhean Croise

Salmow 38:12

Ha'n re a hwila ow enev a worr maglennow; ha'n re a vynn ow fystiga a gews a wodrosow, ow prederi falsuri oll an jydh.

Eksodus 10:7

Ha servysi Faro a leveris dhodho, ‘Pygemmys prys y fydh an den ma antell dhyn? Gas an dus dhe vones may serfyons an Arloedh aga Duw; a ny gonvedhydh na hwath bos Ejyp distruys?’

Lavarow Koth 29:5

Gour neb a flatter y gentrevek a les roes rag y dhewdroes.

Yeremia 5:26

Rag kevys yw tebeles yn mysk ow fobel : i a gontrewayt ow skolkya kepar hag edhnoryon, i a sett antell, i a dhalghenn gwer.

Yeremia 9:8

Aga thaves yw avel seth varwel; kewsel toell a wra: den a lever geryow kres dh'y gentrevek der y anow, mes yn y golonn kontrewaytya a wra.

1 Samuel 18:17

Ena Sowl a leveris dhe Davydh, ‘Otta ow hottha myrgh Merab, my a vynn hy ri dhis avel gwreg; mes bydh kolonnek ragov, ha batal batelyow an Arloedh.’ Rag Sowl a dybis, ‘Ny vynnav sevel ow leuv er y bynn, mes bedhes leuv an Filistysi warnodho.’

1 Samuel 18:22

Ha Sowl a erghis dh'y wesyon, ha leverel, ‘Kewsewgh gans Davydh yn privedh ha leverel, “Otta, an myghtern a'n jeves delit ynnos, hag oll y wesyon a'th kar; lemmyn rakhenna, bydh deuv an myghtern.” ’

1 Samuel 18:26

Ha pan dherivas y wesyon an geryow ma dhe Davydh, fest da o gans Davydh bos deuv an myghtern. Kyns an termyn dhe dremena,