1 Samuel 18:17 - An Bibel Kernewek 20234 (Kernewek Kemmyn)

¹⁷ Ena Sowl a leveris dhe Davydh, ‘Otta ow hottha myrgh Merab, my a vynn hy ri dhis avel gwreg; mes bydh kolonnek ragov, ha batal batelyow an Arloedh.’ Rag Sowl a dybis, ‘Ny vynnav sevel ow leuv er y bynn, mes bedhes leuv an Filistysi warnodho.’

1 Samuel 18:17 Iomraidhean Croise

2 Samuel 11:15

Y'n lyther ev a skrifas, ‘Sett Uria y'n voward, y'n kalessa omladh. Ena omdenn a-dhiworto, may fydh ev gweskys, ha merwel.’

2 Samuel 12:9

Prag y tispressys ger an Arloedh, dhe wul an drog yn y wolok? Ty re weskis Uria an Hittyas gans an kledha, ha kemmeres y wreg dhe vos dha wreg, ha'y ladha gans kledha an Ammonysi.

2 Samuel 6:16

Pan dheuth argh an Arloedh a-ji dhe sita Davydh, Mikal myrgh Sowl a viras war-woeles der an fenester, ha gweles myghtern Davydh ow lamma hag ow tonsya dherag an Arloedh; ha hi a'n dispresyas yn hy holonn.

Salmow 12:2

I a lever euveredh, pub den gans y hynsa; gans gweus fekyl ha kolonn dhewblek y kowsons.

Salmow 55:21

Aga ganow o levenna es amanynn, mes yth esa bresel yn aga holonn; aga lavarow o medhella ages olew, mes yth ens i kledhedhyow noeth.

Lavarow Koth 26:24

Den spitus a dholos gans y dhiwweus yn kettermyn ow kwitha toell a-berth ynno.

Lavarow Koth 26:25

Pan gews yn kuv, na grys dhodho, rag yma seyth tra gasadow yn y golonn.

Lavarow Koth 26:26

Kynth yw y gas kudhys gans gil, y dhroktra a vydh diskudhys y'n kuntelles.

Niverow 21:14

Rakhenna yth yw leverys yn Lyver Breselyow an Arloedh, ‘Waheb yn Sufa ha'n nansow a Arnon

Niverow 32:20

Ytho Moyses a leveris dhedha, ‘Mar kwrewgh hemma, mar kemmerowgh arvow ha mos a-rag an Arloedh rag an vresel,

Niverow 32:27

mes dha servysi a wra tremena a-dreus, pubonan ervys rag bresel, dhe werrya a-dherag an Arloedh, dell worhemmynn ow arloedh.’

Niverow 32:29

Ha Moyses a leveris dhedha, ‘Mebyon Gad ha mebyon Rewben, pubonan ervys rag vresel a-dherag an Arloedh, mar tremenons genowgh dres an Yordan ha'n tir fethys a-ragowgh, ena hwi a re dhedha pow Gilead avel perghennogeth;

Dewteronomi 17:7

Leuv an dhustunioryon a vydh kynsa warnodho dh'y ladha, ha leuv oll an bobel a-wosa. Yndella ty a garth an drog yn-mes ahanowgh.

1 Samuel 14:49

Lemmyn mebyon Sowl o Yonathan, hag Yshvi, ha Malkishua; ha hanow y dhiw vyrgh o an re ma; hanow an kottha o Merab, ha hanow an yowynka, Mikal.

1 Samuel 17:25

Ha gwer Ysrael a leveris, ‘A welsowgh an gour ma neb a dheuth yn-bann? Yn sur ev re dheuth yn-bann dhe dhefia Ysrael. An myghtern a wra rych an gour neb a'n ladh, ha ri dhodho y vyrgh ha gul y deylu rydh a doll yn Ysrael.’

1 Samuel 17:36

Dha was re ladhas lewyon hag orses; ha'n Filistyas antrodreghys ma a vydh kepar hag onan anedha, a-ban wrug ev defia luyow an Duw bew.’

1 Samuel 17:47

ha may hwodhvo oll an kuntelles na wra an Arloedh sawya dre gledha ha guw; rag yma an vatel dhe'n Arloedh hag ev a'th re yn agan leuv.’

1 Samuel 18:21

Ha Sowl a dybis, ‘My a vynn hy ri dhodho rag may hyll hi dos ha bos antell ragdho, ha may hyll bos leuv an Filistysi warnodho.’ Rakhenna Sowl a leveris dhe Davydh unnweyth arta, ‘Ty a vydh ow deuv an jydh ma.’

1 Samuel 18:25

Ena Sowl a leveris, ‘Yndella y leverewgh dhe Davydh, “Ny vynn an myghtern ro demmedhyans vyth marnas kans kudhgenn a'n Filistysi, dhe dyli dial war eskerens an myghtern.” ’ Mes towl Sowl o gul Davydh dhe goedha dre leuv an Filistysi.

1 Samuel 18:27

Davydh a sevis ha mos, gans y wer, ha ladha kans Filistyas; ha Davydh a dhros aga hudhgenn, hag ev a's ros yn niver leun dhe'n myghtern, may hylli dos ha bos deuv an myghtern. Ha Sowl a ros dhodho Mikal y vyrgh avel gwreg.

1 Samuel 25:28

My a'th pys, gav treuspass dha vaghteth; rag an Arloedh a wra yn sur rag ow arloedh chi sur, drefenn ow arloedh dhe vatalyas batelyow an Arloedh; ha ny vydh drog kevys ynnos oll dha dhydhyow.

1 Samuel 30:26

Pan dheuth Davydh dhe Siklag, ev a dhannvonas rann a'n preydh dh'y gowetha, henavogyon Yuda, ha leverel, ‘Otta ro ragowgh dhiworth preydh eskerens an Arloedh.’