1 Samuel 17:46 - An Bibel Kernewek 20234 (Kernewek Kemmyn)

⁴⁶ Y'n jydh hedhyw an Arloedh a wra dha dhelivra y'm leuv, ha my a'th wysk dhe'n leur ha treghi dhe-ves dha benn; ha my a re korfow marow lu an Filistysi y'n jydh hedhyw dhe ydhyn an ayr ha dhe vestes an dor, may hwodhvo oll an norvys bos Duw yn Ysrael,

1 Samuel 17:46 Iomraidhean Croise

Jenesis 40:19

A-ji dhe drydydh, Faro a dhrehav dha benn dhiworthis ha'th kregi war wydhenn, hag y fydh an ydhyn ow tybri dha gig dhiworthis.’

2 Samuel 18:28

Ena Ahimaas a armas dhe'n myghtern, ‘Oll yw da.’ Hag ev a omblegyas dherag an myghtern gans y fas dhe'n dor ha leverel, ‘Benniges re bo an Arloedh dha Dhuw, re dhelivras yn-bann an wer a dhrehevis aga dorn erbynn ow arloedh an myghtern.’

2 Samuel 21:10

Ena Rispa myrgh Aya a gemmeras yskar ha'y lesa rygdhi hy honan war an garrek, dhiworth dalleth an drevas bys pan goedhas dowr war an korfow dhiworth an nevow; ha ny asas dhe bowes warnedha naneyl ydhyn an ayr dres dydh, na bestes gwyls dres nos.

1 Myghternedh 8:43

ena klew yn nev dha drigva, ha gwra herwydh pup-tra a elow an estren warnas, may hwodhvo oll poblow an bys dha hanow ha perthi own ahanas, par dell wra dha bobel Ysrael, ha may hwodhvons bos gelwys dha hanow war an chi ma re dhrehevis vy.

1 Myghternedh 8:60

may hwodhvo poblow an bys bos an Arloedh Duw; nyns eus nahen.

2 Myghternedh 19:19

Lemmyn, A Arloedh agan Duw, my a'th pys, saw ni yn-mes a'y leuv, may hwodhvo oll gwlaskordhow an norvys ty dha honan, A Arloedh, dhe vos Duw.’

2 Myghternedh 5:15

Ena ev a dhehwelis dhe wour Duw, ev hag oll y gowethas, ha dos ha sevel a-ragdho ha leverel, ‘Lemmyn my a woer nag eus Duw yn oll an norvys, marnas yn Ysrael. Lemmyn kemmer, my a'th pys, ro dhiworth dha was.’

Salmow 31:8

Ny'm gessys vy yn dorn an eskar; ty re worras ow threys yn tyller ledan.

Salmow 46:10

Bedhewgh kosel, ha godhvydhewgh my dhe vos Duw; my a vydh ughelhes yn mysk an kenedhlow, my a vydh ughelhes y'n nor.

Eksodus 9:16

Mes rakhemma y'th hesis dhe vewa, dhe dhiskwedhes dhis ow galloes, may fo derivys ow hanow war oll an nor.

Ysay 37:20

Lemmyn, A Arloedh agan Duw, saw ni yn-mes a'y leuv, may hwodhvo oll gwlaskordhow an norvys, ty dha honan dhe vos an Arloedh.’

Ysay 52:10

An Arloedh re dhislennis y vregh sans a-rag dewlagas an kenedhlow oll, hag oll pennow an norvys a wel selwyans agan Duw.

Ysay 56:9

Oll hwi bestes an gwel, oll hwi miles y'n gwylvos, dewgh dhe dhybri.

Yeremia 19:7

Ha my a wra euver kusul Yuda ha Yerusalem y'n tyller ma; ha my a wra dhedha koedha gans an kledha a-rag aga eskerens, ha gans leuv an re a hwila aga bewnans; ha my a re aga horfow marow dhe vos boes rag ydhyn an nev, ha rag bestes an nor.

Yeremia 34:20

my a's re yn leuv aga eskerens hag yn leuv a re a hwila aga bewnans. Aga horfow marow a vydh boes dhe ydhyn an nev hag enyvales gwyls an nor.

Daniel 2:47

Yn-medh an myghtern dhe Daniel, ‘Yn hwir yth yw dha Dhuw Duw a dhuwow, hag Arloedh a vyghternedh, ha diskudher a gevrinyow, rag ty re allas diskudha an kevrin ma.’

Daniel 3:29

[95] My a dhyllo gorhemmynn: pub pobel, pub kenedhel ha pub taves neb a gews erbynn Duw Shadrak, Meshak hag Abednego, a vydh hakkys dhe demmyn, ha'y ji a vydh treylys dhe vern teyl; rag nyns eus Duw nahen neb a yll delivra yndellna.’

Matthew 24:28

Pyle pynag a vo an korf marow, ena yth omguntell an eryon.

Dewteronomi 28:26

Dha gorf a vydh boes rag pub edhen a'n ebron ha rag bestes an gwel, ha ny vydh nagonan dh'aga chasya dhe-ves.

Dewteronomi 7:2

ha pan wra an Arloedh dha Dhuw aga delivra dhis, ty a wra aga gweskel, ha'ga sakra dhe dhistruyans. Na wra kevambos gansa, nag dhiskwedhes mersi.

Dewteronomi 7:23

Mes an Arloedh dha Dhuw a's delirv dhis, ha'ga tewlel yn deray bras bys pan vons distruys.

Yoshua 10:8

An Arloedh a leveris dhe Yoshua, ‘Na borth own anedha, rag my re's ros y'th leuv; ny sev gour anedha a-dheragos.’

Yoshua 4:24

may hwodhve oll poblow an norvys bos krev leuv an Arloedh, ha may perthewgh own a'n Arloedh agas Duw bys vykken.’

1 Samuel 14:6

Yonathan a leveris dhe'n gour yowynk deger y arvow, ‘Deus, ha treusyn dhe savla-goelyadoryon an re antrodreghys; martesen y hwarvo an Arloedh dhe oberi ragon; rag nyns eus travyth a yll lettya an Arloedh rag ri trygh gans lies po gans nebes.’

1 Samuel 17:44

Hag yn-medh an Filistyas dhe Davydh, ‘Deus dhymm, ha my a re dha gig dhe ydhyn an ayr ha dhe vestes an gwel.’