1 Samuel 17:34 - An Bibel Kernewek 20234 (Kernewek Kemmyn)

³⁴ Mes Davydh a leveris dhe Sowl, ‘Dha was a witha deves rag y das, ha peskweyth may teu lew po ors, ha kemmeres oen mes a'n flokk,

1 Samuel 17:34 Iomraidhean Croise

Jenesis 31:39

Ny wrug vy dri dhis preydh skwardys gans bestes: my a borthas an koll ow honan. Ty a wovynnas hemma a'm leuv vy, an re ledrys y'n jydh ha'n re ledrys y'n nos.

2 Samuel 17:8

Rag ty a woer bos dha das ha'y wer kasoryon, ha'ga sorr dhe dhewi, kepar hag orses ledrys hy orsigow y'n gwel. Ynwedh dha das yw gour konnyk yn bresel, ha ny vynn tremena an nos gans y wer.

2 Samuel 23:20

Benaya mab Yehoyada, kasor galloesek dhiworth Kasbeel, oberer a lies gweythres; ev a weskis dew vab Ariel a Moab. Ev eth yn-nans ynwedh ha ladha lew a-ji dhe bytt yn dydh erghek.

1 Kroniklys 11:22

Benaya mab Yehoyada, gour kolonnek dhiworth Kabseel, a wrug lies gwrians bras; ev a ladhas dew gampyer a Moab. Ynwedh ev eth yn-nans ha ladha lew yn pytt yn dydh erghek.

Salmow 143:5

My a berth kov a'n dydhyow koth; my a breder a'th wriansow oll, my a breder a oberow dha dhiwleuv.

Ezekiel 34:12

Kepar dell wra bugel hwithra y flokk pan usi ev yn mysk y dheves skattrys, yndella my a hwither ow deves vy ha'ga delivra a-dhiworth oll an tylleryow mayth yns skattrys yn dydh a gommol ha tewlder tew.

Amos 3:12

Yndellma y lever an Arloedh: Dell dhelirv an bugel mes a anow an lew diw arr po tamm skovarn, yn kettella delivrys vydh mebyon Ysrael eus trigys yn Samaria, gans tamm a weli ha gans gweli-dydh a dhamask.

Zekaria 11:16

Awotta my a wra drehevel bugel y'n tir na wra vri a'n re usi ow mos dhe goll, na hwilas an yowynk, na sawya an shyndys; ny sosten an gwann, mes ev a dheber kig an tew, ow tenna hwath aga harnow dhe-ves.

Zekaria 9:7

My a gemmer y woes yn-mes a'y anow, ha'y daklow kasadow dhiworth y dhyns; ev ynwedh a vydh remenant rag agan Duw, hag ev a vydh avel kordh yn Yuda, hag Ekron a vydh avel an Yebusysi.

Luk 2:8

Hag yth esa bugeledh y'n pow na, trigys y'n goenyow, ow koelyas dre nos dhe witha aga flokk.

Yowann 10:11

‘My yw an bugel da. An bugel da a dhaskorr y vewnans rag y dheves.

Romanyon 5:4

ha perthyans a dhre prevyans, ha prevyans a dhre govenek,

Ebrowyon 11:33

neb dre fydh a fethas ruvanethow, breusi yn ewnder, degemmeres an ambosow, degea ganow lewyon,

Diskwedhyans 13:2

Ha'n best a welis o kepar ha lewpard, ha'y bawyow kepar ha pawyow ors, ha'y vin kepar ha min lew, ha'n dhragon a ros dhodho hy nerth, ha'y thron, ha galloes meur.

Breusysi 14:6

Spyrys an Arloedh a fyskas warnodho hag ev a'n torras dhe demmyn heb travyth yn y dhiwdhorn, dell derrir gevrik dhe demmyn. Mes ny dherivas naneyl dh'y das na dh'y vamm an pyth re wrug ev.

1 Samuel 17:15

mes Davydh a wre mos ha dehweles a Sowl dhe vaga deves y das yn Bethlehem.

1 Samuel 17:33

Ha Sowl a leveris dhe Davydh, ‘Ny yllydh mones erbynn an Filistyas ma dhe omladh ganso; rag ty yw marnas maw, hag ev re beu kasor a-dhia y yowynkneth.’

1 Samuel 17:35

my eth yn-mes ha'y siwya, ha'y weskel dhe'n leur, ha delivra an oen mes a'y anow; ha mar treylya er ow fynn, my a'n dalghennsa gans y varv, ha'y weskel dhe'n leur, ha'y ladha.