1 Samuel 17:32 - An Bibel Kernewek 20234 (Kernewek Kemmyn)

³² Davydh a leveris dhe Sowl, ‘Na wres kolonn denvyth fyllel a'y wovis ev; dha was a wra mos hag omladh gans an Filistyas ma.’

1 Samuel 17:32 Iomraidhean Croise

Salmow 3:6

Ny borthav own a dhegow a vilyow a'n bobel, neb re omsettyas a-derdro er ow fynn.

Ysay 35:4

Leverewgh dhe'n re gans kolonn brederus, ‘Bedhewgh krev, na berthewgh own; otta, agas Duw a dheu gans dial, gans attal duwel. Ev a dheu ha'gas sawya.’

Ysay 7:4

Ty a lever dhodho, Bydh war, hag omwith kosel. Na borth own, na vydh digolonnek drefenn an dhew stokk ma a yttewi ow megi, drefenn sorr fers Resin hag Aram ha mab Remalia.

Niverow 13:30

Mes Kaleb a goselhas an bobel a-rag Moyses, ha leverel, ‘Gwren mos yn-bann distowgh, ha'y gevannedhi; rag pur abel on dh'y fetha.’

Niverow 14:9

Mes, na sevewgh erbynn an Arloedh; ha na berthewgh own a bobel an tir, rag bara yns i ragon; aga skoes yw kemmerys a-dhiworta, hag yma an Arloedh genen; na berthewgh own anedha.’

Ebrowyon 12:12

Ytho krevhewgh an dhiwdhorn ydhil ha'gas dewlin dhifreth,

Yoshua 14:12

Ytho ro dhymm an vro venydhyek ma, a gewsis anodho an Arloedh y'n jydh na. Ty dha honan a glewas y'n jydh na bos an Anakim ena, ha bos an sitys bras ha kerys; martesen an Arloedh a vydh genev, ha my a's fes, dell leveris an Arloedh.’

1 Samuel 14:6

Yonathan a leveris dhe'n gour yowynk deger y arvow, ‘Deus, ha treusyn dhe savla-goelyadoryon an re antrodreghys; martesen y hwarvo an Arloedh dhe oberi ragon; rag nyns eus travyth a yll lettya an Arloedh rag ri trygh gans lies po gans nebes.’

1 Samuel 16:18

Ena onan a'n wesyon a worthybis, ‘My re welas mab a Yesse an Bethlehemyas neb a woer seni, ha gour kolonnek, kasor, fur yn kows, ha gour a semlans da; hag yma an Arloedh ganso.’

1 Samuel 17:31

Pan veu klewys an geryow a gewsis Davydh, i a's dasleveris a-dherag Sowl; hag ev a dhannvonas war y lergh.