1 Samuel 17:26 - An Bibel Kernewek 20234 (Kernewek Kemmyn)

²⁶ Davydh a leveris dhe'n wer esa sevys rybdho, ‘Pandr'a vydh gwrys rag an gour neb a ladh an Filistyas ma, ha kemmeres dhe-ves an meth dhiworth Ysrael? Rag piw yw an Filistyas antrodreghys ma may hyll ev defia luyow an Duw bew?’

1 Samuel 17:26 Iomraidhean Croise

2 Myghternedh 19:4

Martesen an Arloedh dha Dhuw a glew oll geryow an Rabshake, a wrug y vester, myghtern Assyria dannvon dhe wul ges a'n Duw bew, hag ev a geredh drefenn an geryow re glewas an Arloedh dha Dhuw. Rakhenna drehav pysadow rag an remenant yw gesys.’

2 Kroniklys 32:17

Ev a skrifas lytherow ynwedh ow tespitya an Arloedh, Duw Ysrael, ow leverel, ‘Par dell na allas duwow kenedhlow erell delivra aga fobel a'm diwleuv, yndella ny dhelirv Duw Hezekia y bobel a'm leuv.’

Nehemia 5:9

Ytho my a leveris, ‘Nyns yw da an pyth esowgh orth y wul. A ny dalvia dhywgh kerdhes yn own agan Duw rag goheles keredh an kenedhlow, agan eskerens?

Salmow 44:13

Ty a wra dhyn bos mewl dh'agan kentrevogyon, skorn ha ges dhe'n re usi yn agan kyrghynn.

Salmow 74:18

Porth kov a hemma, fatell wrug an eskar ges, A Arloedh, ha fatell dhispresyas pobel foll dha hanow.

Salmow 79:12

Daskorr seythplek dhe askra agan kentrevogyon rag an skorn ma'th skornsons jy, A Arloedh.

Ysay 37:23

Piw a wrussys y skonya ha'y gabla, ha piw y trehevsys dha lev er y bynn, ha drehevel dha dhewlagas yn-bann? Erbynn Sans Ysrael!

Yeremia 10:10

Mes an Arloedh yw gwir Dhuw, ev yw an Duw bew, ha myghtern heb diwedh: orth y sorr an norvys a gren, ha ny yll an kenedhlow perthi y sorrvann.

Yeremia 9:25

Otta, yma an dydhyow ow tos, yn-medh an Arloedh, may kessydhyav oll an re yw trodreghys unnsel y'n kudhgenn;

Yeremia 9:26

Ejyp, ha Yuda, hag Edom, ha'n Ammonysi, ha mebyon Moab, hag oll an re ma'th yw treghys blew aga thalyow; rag oll an kenedhlow ma yw antrodreghys, hag oll chi Ysrael yw antrodreghys y'n golonn.

Ezekiel 28:10

Ty a verow del verow an re antrodreghys yn leuv estrenyon; rag my re gewsis, yn-medh an Arloedh Duw.

Daniel 5:23

mes ty a omughelhas erbynn Arloedh an nevow. Lestri y ji re beu dres a-ragos, ha ty ha'th arlydhi, dha wragedh, ha'th iswragedh re evas gwin dhiworta; ha ty re wormolas an duwow a arghans hag owr, brons, horn, prenn ha men, neb na welons na klewes na godhvos; mes an Duw mayth usi dha anall yn y dhorn, hag oll dha hynsyow, ny wrussys y enora.

Daniel 6:27

Delivra ha sawya a wra, ev a wra toknys hag anethow yn nev hag yn nor; ev re sawyas Daniel dhiworth galloes an lewyon.’

Daniel 9:16

A Arloedh, herwydh oll dha weythyow gwiryon, re bo treylys, my a'th pys, dha sorr ha'th konnar dhiworth dha sita Yerusalem, dha venydh sans; rag a-barth agan peghosow, hag a-barth kammweyth agan tasow, Yerusalem ha'th pobel re dheuth bismer dh'agan kentrevogyon.

Yoel 2:19

An Arloedh a worthybis ha leverel dh'y bobel, Awotta, my a dhannvon dhywgh ys ha gwin hag oyl, ha lenwys vydhowgh gansa: ha nevra namoy ny rov dhywgh disenor yn mysk an kenedhlow.

Dewteronomi 5:26

Rag piw eus a bub kig neb a glewas lev an Duw bew ow kewsel yn-mes a gres an tan avelon, ha bewa?

1 Thessalonianys 1:9

An dus na, aga honan, a wra vri a-dro dhyn py par wolkomm a gemmersyn genowgh, ha fatell dreylsowgh dhe Dhuw dhiworth idolys dhe wonis an Duw bew ha gwir,

Yoshua 3:10

Ha Yoshua a leveris, ‘Gans hemma godhvydhewgh bos an Duw bew yn agas mysk hag ev dhe fesya a-dheragowgh heb falladow an Kananysi, an Hittysi, an Hivysi, an Perizzysi, an Girgashysi, an Amorysi ha'n Yebusysi.

1 Yowann 5:20

Ha ni a woer re dheuth Mab Duw ha re ros dhyn konvedhes, dhe aswonn neb yw gwiryon; hag yth eson ynno ev yw gwiryon, yn y Vab Yesu Krist. Hemm yw an gwir Dhuw ha bewnans heb diwedh.

1 Samuel 11:2

Mes Nahash an Ammonyas a worthybis, ‘War an gorholedh ma y hwrav kevambos genowgh, may hallav gorra yn-mes oll agas lagas dyghow, hag yndellma gorra disenor war oll Ysrael.’

1 Samuel 14:6

Yonathan a leveris dhe'n gour yowynk deger y arvow, ‘Deus, ha treusyn dhe savla-goelyadoryon an re antrodreghys; martesen y hwarvo an Arloedh dhe oberi ragon; rag nyns eus travyth a yll lettya an Arloedh rag ri trygh gans lies po gans nebes.’

1 Samuel 17:10

Hag yn-medh an Filistyas, ‘Hedhyw my a dhefi luyow Ysrael; rewgh dhymm gour, may hyllyn omladh war-barth.’

1 Samuel 17:30

Hag ev a dreylyas dhe-ves anodho war-tu gour arall, ha kewsel war-lergh an keth vaner; ha'n bobel a'n worthybis arta war-lergh an vaner kyns.

1 Samuel 17:36

Dha was re ladhas lewyon hag orses; ha'n Filistyas antrodreghys ma a vydh kepar hag onan anedha, a-ban wrug ev defia luyow an Duw bew.’

1 Samuel 31:4

Ena Sowl a leveris dhe dheger y arvow, ‘Tenn dha gledha ha'm gwana ganso ma na dheffo an wer antrodreghys ma ha'm gwana ha gul ges ahanav.’ Mes ny vynnas deger y arvow; drefenn ev dhe berthi own yn feur. Rakhenna Sowl a gemmeras y gledha y honan hag ev a goedhas warnodho.