1 Samuel 16:7 - An Bibel Kernewek 20234 (Kernewek Kemmyn)

⁷ Mes yn-medh an Arloedh dhe Samuel, ‘Na vir war naneyl y semlans na hirder y gorf, drefenn my dh'y skonya; rag ny wra an Arloedh gweles kepar dell wel mab-den; rag mab-den a vir war an semlans, mes an Arloedh a vir war an golonn.’

1 Samuel 16:7 Iomraidhean Croise

Jenesis 4:5

Mes orth Kayn ha'y offrynn ny viras, ha Kayn a veu pur serrys, ha'y fas a goedhas.

2 Samuel 14:25

Mes yn oll Ysrael nyns esa denvyth moy kanmelys rag y dekter ages Absalom; dhiworth godhen y droes bys yn gwartha y benn nyns esa namm vyth ynno.

2 Samuel 7:20

‘Ha pandr'a yll Davydh leverel moy dhis? Rag ty a aswonn dha was, A Arloedh Duw.

1 Myghternedh 8:39

ena klew yn nev dha drigva, gav, gweythres, ha ri dhe bub a aswonnydh y golonn herwydh y fordhow, rag ty unnsel a woer an pyth eus yn kolonn mab-den oll;

1 Kroniklys 17:18

Pandr'a yll Davydh leverel moy dhis rag ty dhe enora dha was? Rag ty a aswonn dha was.

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

2 Kroniklys 16:9

Rag dewlagas an Arloedh a wander dres oll an norvys rag krevhe an re hag yth yw aga holonn lel dhodho. Ty re wrug tra foll y'n dra ma; rag alemma rag ty a' fydh breselyow.’

2 Kroniklys 6:30

klew dhiworth nev, tyller dha drigva, gav, hag attal dhe beub herwydh aga fara, rag ty unnsel a woer kolonn tus.

Job 10:4

Eus dewlagas a gig dhis? A welydh kepar dell wel mab-den?

Job 35:5

Mir war-vann orth an nevow ha gwel; aspi orth an kommol yw ughella agesos.

Salmow 139:2

Ty a aswonn ow esedha ha'm sevel; ty a gonvedh ow frederow a bellder.

Salmow 7:9

Bedhes diwedh dhe dhrogober an debeles, mes ty gwra fastya an den gwiryon, ty neb a brev an kolonnow ha'n lonethi, an Duw gwiryon.

Lavarow Koth 15:11

Yma ifarn hag Abaddon a-rag an Arloedh, kemmys moy kolonn mebyon den.

Lavarow Koth 16:2

Oll fordhow gour yw pur yn y dhewlagas y honan, mes an Arloedh a vantol an spyrysyon.

Lavarow Koth 24:12

Mar leverydh, ‘Ny'n godhyen’, a ny'n gwel ev neb a boes an kolonnow? A ny'n goer ev neb a with dha enev? A ny attal dhe dhen herwydh y oberow?

Lavarow Koth 31:30

Gras a doell, ha tekter yw euver, mes benyn a berth own a'n Arloedh yw dhe vos gormelys.

Yeremia 11:20

Mes, A Arloedh an luyow, neb a vreus yn ewnder, neb a assay an golonn ha'n brys, gas my dhe weles dha dhial warnedha, rag dhiso jy my re dhiskwedhas ow hen.

Yeremia 17:10

My an Arloedh a hwither an golonn, ha previ an dhiwloneth, dhe ri dhe beub herwydh y fordhow, ha herwydh frut y oberow.

Yeremia 20:12

Mes, A Arloedh an luyow, neb a brev an re wiryon, neb a wel an dhiwloneth ha'n golonn, gas vy dhe weles dha dhial warnedha: rag dhiso jy my re dhiskwedhas ow hen.

Luk 16:15

Hag ev a leveris dhedha, ‘Hwi yw an re a justifi aga honan a-wel tus, mes Duw a aswonn agas kolonn; rag an dra eksaltys yn mysk tus yw pyth kasadow a-wel Duw.

Yowann 7:24

Na vreusewgh herwydh an semlans, mes breusewgh gans breus gwiryon.’

Yowann 8:15

Hwi a vreus war-lergh an kig; ny vreusav vy denvyth

Oberow 1:24

I a bysis ha leverel, ‘Ty, Arloedh, neb a aswonn kolonnow tus oll, diskwa pyneyl re dhewissys

2 Korinthianys 10:10

Y leverir gans nebonan, ‘Yn tevri, poesek ha krev yw y lytherow, mes yn agan mysk gwann yw y gorf, ha'y gows y hyllir y dhispresya.’

2 Korinthianys 10:7

Hwi a vir orth traow herwydh aga semlans. Mar trest nebonan y vos dhe Grist, perthes kov a hemma: kepar dell yw ev dhe Grist, yndella ynwedh yth on ni.

Ebrowyon 4:13

Hag a-ragdho ev, nyns yw kudhys kreatur vyth, mes oll yw noeth hag igor dh'y dhewlagas ev, may tal dhyn gul akont dhodho.

1 Peder 2:4

Dewgh dhodho, men bew skonys gans mab-den mes dewisys gans Duw ha drudh.

1 Peder 3:4

mes bedhes gnas kudhys an golonn, gans afinans na yll pedri a spyrys kosel ha klor, yw meur y bris a-dherag Duw.

Diskwedhyans 2:23

Ha my a ladh hy fleghes yn farow; ha'n eglosyow oll a wra godhvos ow bos neb a hwila an lonethi ha'n kolonnow: hag y rov dhywgh hwi pubonan war-lergh agas gwriansow.

1 Samuel 2:3

Na gewsewgh prest namoy mar brout, na wres balghder dos a-dhiworth agas ganow; rag an Arloedh yw Duw a skians, ha ganso gwriansow yw poesys.

1 Samuel 9:2

Y feu dhodho mab, Sowl y hanow, neb o yonker teg. Nyns esa gour yn mysk mebyon Ysrael tekka agesso; a-dhiworth y dhiwskoedh hag yn-bann ev o hirra ages oll an bobel.