1 Samuel 16:5 - An Bibel Kernewek 20234 (Kernewek Kemmyn)

⁵ Hag yn-medh ev, ‘Yn kres; my re dheuth dhe sakrifia dhe'n Arloedh; omsakrewgh ha dewgh genev dhe'n sakrifis.’ Hag ev a sakras Yesse ha'y vebyon ha'ga gelwel dhe'n sakrifis.

1 Samuel 16:5 Iomraidhean Croise

Jenesis 35:2

Ena Yakob a leveris dh'y vayni ha dhe oll an re esa ganso. ‘Kemmerewgh dhe-ves an duwow estren usi yn agas mysk; omlanhewgh, ha chanjyewgh agas dillas;

1 Myghternedh 2:13

Ena Adoniya mab Haggith a dheuth dhe Bathsheba mamm Solomon. Ha hi a leveris, ‘A wre'ta dos yn kres?’ Yn-medh ev, ‘Yn kres.’

1 Kroniklys 12:18

Ena an Spyrys a dheuth war Amasay, penn an deg warn ugens, hag ev a leveris, ‘Ni yw dhis, A Davydh, ni yw genes, A vab Yesse! Kres, kres dhis, ha kres dhe'th weresoryon, rag dha Dhuw a'th weres.’ Ena Davydh a's degemmeras ha'ga gul pennow an bagasow.

Job 1:5

Ha pan dho kylgh an kevewi dhe benn, Job a dhannvona ha'ga sakra, hag ev a sevi myttin a-varr hag offra offrynnow leskys herwydh an niver anedha oll, rag Job a leveri, ‘Martesen ow mebyon re beghas ha milliga Duw yn aga holonn.’ Yndella y hwre Job prest.

Eksodus 19:10

Ha'n Arloedh a leveris dhe Moyses, ‘Ke dhe'n bobel ha'ga sakra hedhyw hag a-vorow, ha gas dhedha golghi aga dillas,

Yoel 2:16

Kuntellewgh an bobel, sakrewgh an kuntelles, gelwewgh an dus hen war-barth, kuntellewgh an fleghes ha'n re ow tena an vronn: gases an gour pries y stevell, ha'n venyn bries hy chambour.

Sefania 1:7

Taw yn lok an Arloedh Duw: rag ogas yw dydh an Arloedh. Rag an Arloedh re bareusis sakrifis, ev re sanshas y westoryon.

Niverow 11:8

Ha'n bobel eth a-dro orth y guntell, ha'y velyas yn melinyow po y waska yn brewveyn ha'y vryjyon yn pottow, ha gul tesennow anodho; ha'n blas o haval dhe vlas tesennow pebys gans oyl.

1 Korinthianys 11:28

Mes preves den y honan, hag ena dybres a'n bara hag eves a'n hanaf;

Yoshua 3:5

Yoshua a leveris dhe'n bobel, ‘Omsakrewgh; rag a-vorow an Arloedh a wra marthusyon yn agas mysk.’

Yoshua 7:13

Yn-sol, sansha an bobel, ha lavar, “Omsanshewgh rag a-vorow; rag yndellma y lever an Arloedh, Duw Ysrael, ‘Yma taklow sakrys y'n kres ahanas, A Ysrael; ny yllydh sevel a-dherag dha eskerens bys may kemmerowgh dhe-ves an taklow sakrys a'gas mysk.’

1 Samuel 20:26

Mes ny leveris Sowl travyth an jydh na; rag ev a dybi, ‘Neppyth re hwarva dhodho; nyns yw ev glan, yn sur nyns yw ev glan.’